Google po tenton të rivalizojë Duolingo përmes një shërbimi të ri në Google Search të krijuar për t’i ndihmuar njerëzit të praktikojnë – dhe të përmirësojnë – aftësitë e tyre të të folurit në anglisht.
Duke u përhapur gjatë ditëve të ardhshme në Search në pajisjet Android në Argjentinë, Kolumbi, Indi, Indonezi, Meksikë dhe Venezuelë, dhe me një zgjerim akoma dhe më të gjërë në të ardhmen, shërbimi i ri do të ofrojë një praktikë ndërvepruese të të folurit për përdoruesit që përkthejnë në ose nga anglishtja, shkruan Google në një postim në blog.
“Google Search është tashmë një mjet i vlefshëm për përdoruesit që dëshirojnë të praktikojnë anglishten, duke ofruar përkthime, përkufizime dhe burime të tjera për të përmirësuar fjalorin“, thuhet në postimin në blog nga Christian Plagemann dhe menaxherja e produkteve Katya Cox. “Tani, përdoruesit që përkthejnë në ose nga anglishtja në telefonat e tyre Android do të gjejnë një përvojë të re praktike të të folurit anglisht me reagime të personalizuara.”
Shërbimi i ri u paraqet përdoruesve të Search disa opsione dhe u kërkon të tregojnë përgjigjen e tyre duke përdorur një fjalë fjalori të dhënë. Gjatë çdo seance praktike, e cila zgjat 3 deri në 5 minuta, Search jep feedback të personalizuar — dhe opsionin për t’u regjistruar nëse dëshironi të rikujtoheni për të vazhduar praktikën dhe për të kaluar në fazën tjetër të vështirësisë.
Gjatë sesioneve të praktikës, përdoruesit mund të klikojnë çdo fjalë që nuk e kuptojnë për të parë një përkthim të saj në varësi të kontekstit. “I projektuar për t’u përdorur së bashku me shërbime dhe burime të tjera mësimore, si mësimi personal, aplikacionet celulare dhe klasat, shërbimi i ri i praktikës së të folurit në Google Search është një mjet tjetër që ndihmon përdoruesit në rrugëtimin e tyre,” shkruajnë Plagemann dhe Cox.
Këto shërbime kërkonin pak ndihmë nga inteligjenca artificiale dhe machine-learning, thotë Google.
