Pas analizimeve të ndryshme të njerëzve më të pushtetshëm dhe më të pasur që kanë jetuar ndonjëherë në planetin Tokë, u arrit në përfundimin se njeriu më i pasur në historinë e njerëzimit ishte faraoni Amenhotep III që sundoi Egjiptin elashtë në kulmin e fuqive të tij, adhurohej si një zot i gjallë dhe ishte gjyshi i Tutankhamun.
Dhe tani fytyra e vërtetë e Amenhotep III sapo është zbuluar. Ai konsiderohet si një nga faraonët më të mëdhenj dhe ka më shumë statuja të mbijetuara se gjithë të tjerët, megjithatë një rindërtim shkencor i fytyrës së tij nuk ishte bërë kurrë. Tani, duke përdorur të dhënat nga kafka e mumjes së tij, një ekip shumëkombësh ka zbuluar ngjashmërinë e tij të vërtetë për herë të parë në pothuajse 3,400 vjet.
Michael Habicht, një arkeolog në Universitetin Flinders në Australi, tha se dukej krejt ndryshe nga faraoni që shihet në statuja. Ai tha: ‘Është një fytyrë e qetë për një njeri që promovoi paqen dhe jetoi në një kohë të prosperitetit më të madh ekonomik. Ai mund të ketë qenë një nga njerëzit më të pasur që ka jetuar ndonjëherë, të paktën në epokën e tij.”
Michael vazhdoi: “Është e vështirë të dihet shkaku i vdekjes duke analizuar mbetjet në dispozicion.” Studimet e kryera në vitet 1970 e përshkruan Amenhotep III si një burrë obez të sëmurë, i cili vuajti nga probleme dentare në vitet e fundit të jetës së tij.
Dhe pse ai ishte një nga mbretërit vërtetë të mëdhenj të Egjiptit, ai ishte i gjatë rreth 156 cm, duke e bërë atë një nga mbretërit më të vegjël që njohim nga mumiet e tyre të ruajtura. “Kjo lartësi trupore mjaft e vogël nuk reflektohet në art – në veprat e artit ai është i famshëm për statujat e tij gjigante.”
Eksperti brazilian i grafikës Cicero Moraes, i cili riktheu fytyrën në jetë, tha se rindërtimi filloi duke rikrijuar në mënyrë dixhitale kafkën e faraonit, duke përdorur imazhe dhe të dhëna nga mumja e tij.
“Ne ishim të mahnitur me rezultatin përfundimtar; të shohësh një bust të plotë me këto ngjyra dhe qetësinë e fytyrës është mjaft e kënaqshme. Është dhurata jonë për të gjithë ata që e vlerësojnë historinë.”
