Pas më shumë se 7 vite pritjeje, Grand Theft Auto 5 (GTA 5) pritet të vijë më në fund në Arabinë Saudite. Në vitin 2008, Associated Press raportoi se qeveria saudite ndaloi 47 lojëra, përfshirë GTA 5, Assassin’s Creed 2 dhe The Witcher, pas pretendimeve se dy fëmijë u nxitën të vetëvriteshin pasi luajtën një nga lojërat online. Megjithatë, GamesIndustryBiz më vonë deklaroi se kjo histori ishte “pothuajse krejtësisht e pavërtetë,” dhe Komisioni i Përgjithshëm për Median Audio-Vizuale në Arabinë Saudite mohoi ekzistencën e një ndalimi të tillë.
Pavarësisht mohimit, loja mbeti e ndaluar për shkak të përmbajtjes së dhunshme, përdorimit të drogës dhe përmbajtjeve seksuale. Pas më shumë se 7 vitesh, raportimet tregojnë se GTA 5 do të hiqet nga lista e lojërave të ndaluara dhe do të vijë në treg me një klasifikimin për moshat 21+.
Ky informacion vjen nga një burim i besueshëm i quajtur Ben, i cili deklaroi se GTA 5 do të dalë në Arabinë Saudite gjatë muajit korrik 2025. Ai shtoi gjithashtu se heqja e ndalimit për GTA 5 rrit mundësinë që edhe Grand Theft Auto 6 të vijë në këtë shtet pa pengesa, gjithashtu me klasifikim për 21+.
Data e saktë e publikimit ende nuk është bërë publike. Në lajme të tjera nga bota e lojërave, Bethesda ka anuluar financimin për disa projekte të papublikuara dhe loja MindsEye do të riprezantohet, pasi CEO fajëson “sabotatorët” për vonesat.
