Në prag të World Emoji Day, që festohet më 17 korrik, Unicode Consortium ka prezantuar 9 emoji të reja që do t’i shtohen standardit Unicode dhe do të fillojnë të shfaqen në tastierat e telefonave dhe kompjuterëve gjatë vitit të ardhshëm.
Paketa e re përfshin: farin, gomën, gishtin e madh majtas dhe djathtas, cracked smiling face, rrjetën me dorezë, meteorin, kastravecin turshi dhe flutura.
Sipas Jennifer Daniel, kryetares së Nënkomitetit të Emoji-ve në Unicode, dizajnet janë ende paraprake, por pritet të finalizohen dhe të adoptohen nga platformat kryesore si Apple, Google dhe Samsung gjatë vitit të ardhshëm.
Emoji që ka tërhequr më shumë vëmendje është Cracked Smiling Face, një fytyrë e buzëqeshur por “e thyer” që shumë përdorues e konsiderojnë si simbolin perfekt për të përshkruar stresin, lodhjen apo kaosin e përditshëm. Interesant është fakti se kjo emoji nuk ishte pjesë e planit fillestar, pasi fillimisht ishte propozuar një fytyrë me sy të ngushtuar, e cila më vonë u zëvendësua me versionin aktual.
Unicode ka sqaruar gjithashtu se disa nga emoji-t e reja mund të duken të ngjashme me ato ekzistuese, por do të kenë dizajne të dallueshme. Për shembull, Monarch Butterfly do të shfaqë fluturën karakteristike në ngjyrat portokalli e të zezë, ndryshe nga emoji aktual i fluturës blu, ndërsa meteori do të dallohet qartë nga emoji ekzistues i kometës falë zjarrit që e rrethon.
