Në prag të British Grand Prix 2026, McLaren Racing dhe Google Gemini kanë zbuluar një dizajn grafik unik, të frymëzuar nga trashëgimia, që do të vendoset në McLaren MCL40 në pistën legjendare të British Grand Prix në Silverstone Circuit. Dizajni vjen nën moton “Spark Ëhat’s Next”, duke lidhur idetë që ndezën fillimin e McLaren me teknologjitë që po formësojnë të ardhmen.
Dizajni i referohet drejtpërdrejt makinës së parë të ekipit në Formula 1, McLaren M2B, e cila debutoi në Monaco Grand Prix më 1966. Po atë vit, Bruce McLaren siguroi pikën e parë të ekipit pikërisht në Silverstone, një moment që shënoi nisjen e një rruge të gjatë inovacioni.
Zbulimi vjen si pjesë e festimeve të trashëgimisë së McLaren, duke përmbledhur mbi 1,000 garat e tij në F1. Një homazh i veçantë u pa më herët këtë sezon, kur dy herë kampioni i botës Mika Häkkinen drejtoi M2B në Circuit de Monaco.
Teknologjia është zemra e këtij bashkëpunimi. Në një sezon, një makinë F1 mund të pësojë rreth 18,000 ndryshime dizajni, dhe Gemini po ndihmon McLaren të përshpejtojë këtë cikël. Nga mjetet kreative si Nano Banana dhe Omni për ideim e fushata, te Gemini Enterprise për vendimmarrje në kohë reale në pistë, inteligjenca artificiale po kthehet në avantazh konkurrues, në partneritet me Google Cloud.
Për fansat, eksperienca vazhdon dhe jashtë piste: Gemini Paddock në Truman Breëery, një organizim falas shumëditor në Londrën Lindore, ku dizajni mund të shihet nga afër. Një urë vizuale mes 1966-ës dhe sot si dhe një premtim se idetë e guximshme vazhdojnë të ndezin atë që vjen më pas.
