Industria e videolojërave po hyn zyrtarisht në një epokë të re. Sony Interactive Entertainment ka konfirmuar se nga janari i vitit 2028 do të ndalojë prodhimin e disqeve fizike për lojërat e reja të PlayStation. Lajmi vjen në një moment kyç, teksa momenti i PlayStation 6 po afrohet gjithnjë e më shumë.
Sipas njoftimit zyrtar, ky vendim reflekton një realitet tashmë të njohur, ku lojtarët po preferojnë gjithnjë e më shumë formatin dixhital, ndërsa disqet fizike po humbasin terren. Pas vitit 2028, të gjitha lojërat e reja do të jenë të disponueshme vetëm në formë dixhitale, përmes PlayStation Store ose te retailer-ët në kode digjitale. Sony thekson se kjo lëvizje nuk prek lojërat që janë publikuar apo do të publikohen në disk para kësaj date.
Ky tranzicion shihet si një hap “natyral” drejt së ardhmes, duke i lejuar kompanisë të fokusohet më shumë në inovacion dhe në mënyra më fleksibile për shpërndarjen e përmbajtjes.
Por lajmi ndez menjëherë spekulimet rreth PS6. Nëse konsola e re lançohet në 2028, është shumë e mundur që të mos vijë me disk drive të integruar. Më herët është përfolur për një disk drive të shkëputshëm, si në versionet e fundit të PS5, por planet duket se janë ende të paqarta.
Ironikisht, ky njoftim vjen menjëherë pas një prej prezantimeve më të mëdha të historisë së botës së video-lojërave: Grand Theft Auto VI, i cili do të ketë version “fizik”, por pa disk real brenda kutisë.
Për shumë koleksionistë dhe nostalgjikë, ky është fillimi i fundit të epokës së disqeve.
