Native Teams, platforma e pagesave të punës për profesionistët e pavarur, punëtorët në distancë dhe pronarët e bizneseve, ka mbledhur me sukses një raund të mëtejshëm investimi në total prej 6.275 milionë euro për të fuqizuar planet e saj ambicioze për t’u bërë platforma e preferuar për pagesa.
Në këtë raund të rëndësishëm investimi, Native Teams mori mbështetje nga investitorët ekzistues Eleven Ventures dhe Fil Rouge Capital si dhe investitorët e rinj MFG Invest, Begin Capital, plus të tjerë. Investimi i ri shërben si një njohje e përkushtimit të vazhdueshëm të Native Teams për të përmirësuar platformën e tyre të shërbimeve financiare për performancë më të mirë të produktit në tregjet e tyre kryesore, si dhe për zgjerimin e mëtejshëm të biznesit në Azi.
Native Teams është e specializuar në ofrimin e zgjidhjeve të pagesës së punës, duke ndihmuar individët dhe bizneset të thjeshtojnë proceset e faturimit brenda një platforme të centralizuar. E themeluar në vitin 2020, kompania është zgjeruar shpejt në mbi 65 vende me një ekip global prej më shumë se 200 punonjësish ku bën pjesë dhe vendi ynë.
Ndërsa sektori EOR (Employer of Record) është zhvilluar më shumë gjatë viteve të fundit, Native Teams ndodhet në një hapësirë unike, midis ofruesve tradicionalë EOR nga njëra anë, dhe, platformave të pagesave nga ana tjetër. Kjo mundëson një qasje shumë fleksibël, transparente dhe një mendësi që vendos individin në plan të parë.
“Kemi kënaqësinë të njoftojmë mbylljen e këtij raundi investimi para “Serisë A”. Është një testament I përparimit që ekipi ynë ka bërë gjatë vitit të kaluar, teksa nëpërmjet thjeshtësisë dhe transparencës kemi mundësuar lehtësimin e procesit të pagesave online në të gjithë botën
Jemi me fat që kemi disa investitorë të jashtëzakonshëm, me të njëjtin mendim, që na bashkohen në rrugëtimin tonë për të avancuar dhe përditësuar shpërblimin për “botën e re të punës”.”-Alex Mitrevska, Chief Evangelist & Bashkëthemeluese e Native Teams.
Begin Capital është një fond VC(Venture Capital) me bazë në Londër, i fokusuar në investimet Seed- dhe Series-A për kompanitë që punojnë në tregun evropian. Duke kuptuar qasjen inovative të Native Teams, Begin Capital ka treguar besim në ambicien e kompanisë për të revolucionarizuar mënyrën se si funksionojnë profesionistët e pavarur, punëtorët në distancë dhe bizneset globale në botën e punës në distancë.
“Ne jemi shumë të emocionuar për bashkimin e forcave me Native Teams. Ne ndajmë vizionin e tyre për një platformë globale të menaxhimit të fuqisë punëtore të gjeneratës së ardhshme – një platformë me një ADN të përqendruar te punonjësit. Me një mision për ti ofruar secilit individ që punon një punësim real dhe të rregulluar.- Ruslan Sarkisyan, Partner, Begin Capital.
MFG Invest është një fond kapitali sipërmarrës i korporatës që ndihmon sipërmarrësit t’i kthejnë në realitet idetë e tyre të guximshme. Duke investuar në Native Teams, MFG Invest synon të përmirësojë praninë globale të platformës inovative dhe ta pozicionojë atë si një nga lojtarët kryesorë në sektorin global të pagesave dhe EOR.
“Imagjino që dëshiron të punosh për një kompani amerikane nga Hungaria si zhvillues. Ose që dëshiron të punësosh pesë dizajnues australianë për kompaninë tënde norvegjeze. Edhe në erën e globalizmit, aksesit në internet dhe madje dhe AI, burokracia vazhdon të ngadalësojë potencialin. Native Teams ndihmon njerëzit të thyejnë kufijtë artificiale duke mbetur në përputhje. Ajo bën punën administrative të rëndë dhe ju lejon të fokusoheni në atë që ka rëndësi – punën tuaj reale. Ne besojmë fort në potencialin e njerëzve, dhe kjo është arsyeja pse vendosëm të investojmë në Native Teams.” – Simeon Iliev, MFG Invest.
Që nga themelimi i saj katër vjet më parë, Native Teams ka treguar indikatorë të fuqishëm të rritjes. Platforma aktualisht ka dhjetëra mijëra përdorues në të gjithë botën. Duke parë përpara, kompania planifikon të vazhdojë të prezantojë përparime dhe inovacione shtesë në hapësirën e pagesave për punën në tregjet ekzistuese dhe të reja.
Investimi i ri do të ndihmojë për përmirësimin dhe zgjerimin e ofertës së tyre jashtë rajonit evropian, me një fokus strategjik në SHBA, Indi dhe rajonin më të gjerë aziatik. Ky zgjerim do të fuqizojë më shumë individë dhe pronarë biznesesh të vogla dhe të mesme me pagesa të thjeshtuara për punën dhe zgjidhje të tjera të fokusuar në mundësitë e punësimit dhe përputhshmërinë me taksat.
“Mundësia tregtare përpara nesh është ndoshta sektori më i madh i mendueshëm: ridefinimi i pagesave për punë. Ky raund investimi lejon biznesin tonë efikas të kapitalit të marrë hapat e rëndësishëm të ardhshëm ndërsa shërbejmë segmente tregu gjithnjë e më të gjerë, në një numër gjithnjë e më të madh shtetesh.” – Jack Thorogood, CEO & Themelues i Native Teams.
Ndërsa kërkesa për zgjidhje fleksibël të punës në distancë vazhdon të rritet, Native Teams është në pozicionin e duhur për t’u bërë lider në formësimin e së ardhmes së pagesave moderne të punës.
