Wear OS 5, i bazuar në Android 14, do të sjellë disa shërbime të rëndësishme drejt orëve inteligjente më të mira që fuqizohen nga Wear OS, siç është Google Pixel Watch 2 apo Samsung Galaxy Watch 6.
Kryesorja midis tyre është një rritje e madhe në jetëgjatësinë e baterisë, me deri në 20% të energjisë së kursyer kur përdorni GPS dhe vraponi një maratonë. Për më tepër, do të ketë statistika të reja që aplikacionet mund të gjurmojnë, duke përfshirë Kohën e Kontaktit në Tokë, Gjatësinë e Hapit, Lëkundjen Vertikale dhe Raportin Vertikal, të ngjashme me statistikat e prezantuara nga Apple në WatchOS 9.
Aplikacionet gjithashtu do të jenë në gjendje të regjistrojnë dhe monitorojnë të dhënat tuaja shëndetësore gjatë ekzekutimit në sfond nëpërmjet sistemit Health Connect të Google, në vend që të lexojnë vetëm të dhënat sa herë që aplikacioni hapet në plan të parë.
Health Connect është në thelb një urë lidhëse midis aplikacioneve që përdorin të dhënat tuaja shëndetësore, duke i ndarë ato të dhëna mes tyre. Tashmë do të jetë e mundur që aplikacionet të lexojnë të dhënat e Health Connect dhe më tej se 30 ditët aktuale.
Nëse i lejoni një aplikacioni akses në historinë e të dhënave, mund të krahasoni të gjitha të dhënat tuaja historike të shëndetit. Kjo mund të jetë e dobishme për vendosjen e qëllimeve afatgjata të fitnesit, për të gjurmuar ndryshimet historike shëndetësore ose për t’i dhënë informacion një mjeku ose një personi të dashur. Sidoqoftë, mund të interpretohet gjithashtu si mjaft invazive.
Developer Preview i Wear OS 5 është i aksesueshëm, por Google nuk përmend datën ekzakte kur do të vijë për publikun e gjërë, por ne presim që ai të arrijë në të njejtën kohë me Pixel Watch 3.
