Shkencëtarët kanë bërë një hap më afër ruajtjes së trurit tonë për periudha të pacaktuara. Ata janë ndër të parët që kanë shkrirë me sukses indin e trurit që është ngrirë në mënyrë kriogjenike – pa e dëmtuar atë.
Më tej, pasi u ngrinë, neuronet e tyre ishin ende në gjendje të dërgonin sinjale si zakonisht. Kjo ka qenë një sfidë e madhe për shkencën, sepse ngrirja e këtij organi super delikat zakonisht e dëmton atë, duke e bërë të padobishëm kur shkrihet. Jo vetëm që është një zbulim i madh për neuroshkencëtarët që kërkojnë të studiojnë ilaçe të reja, por gjithashtu mund të avancojë idenë fantastiko-shkencore për të rikthyer njerëzit në jetë në të ardhmen.
Ideja është se njerëzit mund të ngrijnë trupin e tyre, duke i ruajtur ato për një kohë të pacaktuar, me shpresën se në të ardhmen, shkenca do të avancohet mjaftueshëm për t’i rikthyer ata në jetë, të shëndetshëm.
Profesor Zhicheng Shao, një neuroshkencëtar i trajnuar në Harvard, i cili punon në Universitetin Fudan në Shangai të Kinës, zhvilloi një përzierje komplekse kimike të quajtur MEDY, e cila mbron neuronet nga dëmtimi gjatë ngrirjes. Ai gjithashtu tregon se kjo teknikë mund të ndihmojë në ruajtjen e trupave dhe ringjalljen e tyre në një moment të dytë, e cila ka qenë një fantazi mes futuristëve për dekada.
“MEDY mund të përdoret për ruajtjen kriogjenike e indit të trurit të njeriut”, tha Dr Shao në studimin e tij, të botuar në revistën Cell Reports Methods. Për një sërë njerëzish që mendojnë për të ardhmen, si Peter Thiel apo Steve Aoki, të cilët po përpiqen të ruajnë trupat e tyre në akull pasi të vdesin, ky duhet të jetë një lajm i mirëpritur.
Është thjesht se, siç e pranoi Thiel në një intervistë të vitit 2023, ne nuk dimë ende se si ta bëjmë ruajtjen kriogjenike të funksionojë – për trupin në përgjithësi dhe trurin në veçanti.
