Peter Thiel ka konfirmuar se ka firmous që trupi i tij të ngrihet pas vdekjes dhe të ruhet në këtë gjendje deri sa të vijë një moment në të ardhmen ku ai të ringjallet falë avancimit të teknologjisë. Megjithatë ai ka shprehur qartësisht dyshimet e tij se kjo teknologji nuk do të funksionojë në podcast-in “Honestly with Bari Weiss”.
Miliarderi foli në këtë podcast rreth ideve të tij politike, si dhe për planet pas vdekjes pas pyetjeve të drejtuara nga Weiss në fund të diskutimit. “A është e mundur që njerëzimi të mposhti vdekjen? Dhe a duhet që ne të mposhtim vdekjen?” pyeti Weiss.
“Ne nuk e kemi provuar një gjë të tillë. Ne duhet ose të mundim vdekjen ose të paktën të kuptojmë se përse është e pamundur.” u përgjigj Thiel. Më pas ai shtoi dhe se kishte firmosur që trupi i tij të ruhej në temperatura të ulëta në rast se teknologjia arrihet të zbulohet në të ardhmen.
“Unë nuk pres që kjo teknologji të funksionojë, megjithatë besoj se është gjëja që ne duhet të provojmë.” shtoi Thiel.
Thiel, bashkë themelues i Paypal si dhe investitor i parë i jashtëm në Facebook (me vlerë $8.13 miliardë) ka shprehur interesin e tij në ngrirjen kriogjenike të trupit, madje dhe ka mbështetur financiarisht një kompani që po mendon të ngrijë trupat e kafshëve në mënyrë që t’i ringjallin ato në të ardhmen.
