Gmail do të nisë të shfaqë në platformë shenjën blu të verifikimit, duke ndihmuar të gjithë përdoruesit të kuptojnë nëse po kontaktohen në mënyrë të drejtpërdrejtë nga kompania apo nga ndonjë adresë mashtruese.
Shenja blu e verifikimit ndërtohet mbi shërbimin ekzistues Brand Indicators for Message Identification (BIMI). Për të marrë këtë shenjë verifikimi të gjitha kompanitë duhet të verifikojnë se logoja që përdorin në profilin e tyre supozohet të krijojë një sens njohje tek përdoruesit. Që të gjitha kompanitë që kanë adoptuar shërbimin BIMI do të përfitojnë automatikisht shenjën blu të verifikimit.
Siç shikohet në këtë fotografi, nëse ju vendosni mouse-in mbi shenjën e verifikimit do të shfaqet një tabelë që tregon se ky dërgues është i verifikuar. Google sqaron se verifikimi i email-it mund të ndihmojë si përdoruesit dhe sistemet e sigurisë që të identifikojnë dhe të ndalojnë operimin e adresave mashtruese.
Shenjat e verifikimit kanë nisur t’i ofrohen kompanive prej disa ditësh në adresat Workspace dhe personale, kështu që së shpejti këto shenja do të jenë shumë të pranishme në inbox-in tuaj.
