Me afrimin e sezonit të verës po i dëgjojmë gjithnjë e më tepër tingullin që gjinkallat lëshojnë, të cilat mund të jenë shqetësuese për shumë prej nesh. Por një mënyrë se si amerikanët po mendojnë të përballen me fluksin ‘apokaliptik’ të tyre është duke i ngrënë ato.
Insektet e vogla – të cilat në fillim kanë ngjyrë kafe, por errësohen kur piqen – kanë pak yndyrna, vlera të larta proteinash dhe kanë shije si arrat, sipas atyre që kanë qenë mjaft të guximshëm për t’i provuar. Restorantet dhe kuzhinierët e ndryshëm po përdorin pikërisht këto insekte të zhurmshme në pjata si sallatat apo dhe duke i skuqur ato dhe duke i mbështjellë me proshutë, ose thjesht të skuqura në erëza si një meze të lehtë të shijshme.
Bill Broadbent, president i kompanisë së insekteve ushqimore Entosense në Maine, tha se gjinkallat kanë shumë proteina dhe janë të krahasueshme me mishin e viçit për sa i përket vlerave ushqyese.
“Ato përmbajnë yndyrna të shëndetshme, kanë pak kalori dhe karbohidrate dhe janë një burim i mirë i antioksidantëve”, tha Broadbent. “Proteina e insekteve është një proteinë e vërtetë shtazore dhe përfshin të gjitha aminoacidet thelbësore.”
Në Neë Orleans, Bug Appétit, një restorant në Audubon Insectarium të qytetit, po përgatit pjata si sallatë me gjinkalla apo gjinkalla të pjekura. Zack Lemann, kuratori i koleksioneve të kafshëve në Insectarium, ka leje ligjore për t’i shërbyer gjinkallat e egra të kapura ndërsa punon.
“Çdo kulturë ka gjëra që u pëlqen t’i hanë dhe, ndoshta, gjëra që janë tabu ose gjëra që njerëzit thjesht ngrysin vetullat”, tha Lemann. “Dhe nuk ka asnjë arsye për ta bërë këtë me insektet kur shikoni vlerën ushqyese, cilësinë e tyre në pjatë, mënyrën se si shijojnë, përfitimet mjedisore të rritjes së insekteve në vend që të merreni me bagëti.”
