Departamenti i Drejtësisë i SHBA-së zbuloi të enjten një propozim historik për të lehtësuar kufizimet ndaj përdorimit të kanabisit, një rregull që nëse miratohet do të mundësonte gjithashtu më shumë kërkime mbi përfitimet e saj medicinale.
Propozimi, i shpallur për herë të parë në prill, do të riklasifikonte kanabisin nga një drogë e klasit të parë në atë të klasit të tretë. Drogat e klasit të parë, të tilla si heroina, konsiderohen si drogëra që krijojnë shumë varësi dhe pa përfitime mjekësore, ndërsa klasa e tretë e drogat konsiderohen të kenë një potencial mesatar ose të ulët për varësi fizike dhe psikologjike. Administrata Amerikane e Ushqimit dhe Barnave tha se gjeti “disa mbështetje të besueshme shkencore për përdorimin e marihuanës në trajtimin e dhimbjeve kronike, anoreksisë që lidhet me një gjendje mjekësore dhe të përzierave dhe të vjellave“.
“Për më tepër, asnjë shqetësim sigurie nuk u identifikua në rishikimin e FDA-së që do të tregonte se përdorimi mjekësor i marihuanës paraqet rreziqe të papranueshme të larta të sigurisë,” thotë propozimi. Presidenti Joe Biden, nisi një rishikim të klasifikimit të drogës në 2022, duke përmbushur një premtim të fushatës që ishte i rëndësishëm për anëtarët me prirje të majtë të bazës së tij politike. Aktualisht, droga përfshihet në klasën e drogave të Administratës së Zbatimit të Drogës (DEA) që përfshin heroinën dhe LSD-në.
Tashmë do të zhvendoset në një grup që përmban ketaminënën dhe Tylenol me kodeinë. Riklasifikimi i marijuanës përfaqëson hapin e parë drejt ngushtimit të hendekut midis ligjeve shtetërore dhe federale të kanabisit. Droga është e ligjshme në njëfarë forme në gati 40 shtete.
Ndërsa ky ndryshim nuk e bën atë të ligjshëm, ai do të hapte dyert për më shumë kërkime dhe përdorim mjekësor, do të ndihmonte të çonte në dënime penale më të lehta dhe do të rriste investimet në sektorin e kanabisit.
