Instagram prezanton stickers të rinj interaktiv për Stories

Instagram sapo ka prezantuar një sërë shërbimesh të reja për Stories, duke përfshirë mënyra të reja interaktive për të ndarë muzikë, foto dhe video.

Shërbimi i ri më intrigues quhet Reveal dhe, kur zbatohet, fsheh përmbajtjen e postuar në Stories të një përdoruesi. Mënyra e vetme që shikuesit mund ta shohin postimin është duke i dërguar DM personit që e ka shpërndarë atë. Kreu i Instagram, Adam Mosseri, ka thënë se mesazhet direkte janë një pjesë gjithnjë e më e rëndësishme e platformës dhe se Stories dhe DM-të përbëjnë pjesën më të madhe të rritjes së Instagram.

Kërkimi i një mesazhi në inbox për të parë përmbajtjen është evolucioni i radhës i platformës – dhe pa dyshim do të përdoret si një mënyrë për të angazhuar sa më tepër përdoruesit në biseda me miqtë.

Një shërbim tjetër i ri do të jetë Frames, i cili vendos një filtër Polaroid në imazhet që fillimisht shfaqen me ngjyrën gri. Kur përdoruesit tundin telefonin e tyre, shfaqet fotografia me ngjyrat reale – në të njejtën mënyrë me veprimin që ne bëjmë pas printimit të nj fotoje aktuale të Polaroid.

Gjë që është zbavitëse, sepse në fakt nuk duhet të shkundni Polaroids, dhe vetë kompania u thotë njerëzve që të mos e bëjnë këtë ndërsa zhvillohet filmi. “Ne rekomandojmë ta fusni foton në zhvillim në një xhep ose çantë për ta fshehur nga burimet e forta të dritës“.

Shërbimi Frames u prezantua për herë të parë gjatë Coachella në prill. Instagram po shton gjithashtu një shërbim të ri të bazuar në muzikë që i lejon përdoruesit të ndajnë këngë në Stories duke përdorur prompts si “kënga e preferuar në albumin X” ose “nëse do të mund të dëgjonit vetëm një këngë për pjesën tjetër të jetës“. I quajtur Add Yours Music, ai bazohet në prompt template ekzistues të në Stories.