Më parë mësuam se Microsoft ka plane të lançojë një dyqan lojërash për smartphone në një moment gjatë këtij viti, dhe tani kompania ka hedhur edhe më shumë dritë mbi datën se kur kjo gjë do të jetë e mundur.
Bloomberg raporton se presidentja e Xbox Sarah Bond tha në Samitin e Teknologjisë së Bloomberg se dyqani i lojërave për smartphone i Microsoft-it do të debutojë këtë korrik. Plani, tha Bond, është që të lançohet me lojërat e vetë Microsoft si Candy Crush Saga përpara se përfundimisht të hapet dyqani në internet për zhvilluesit e tjerë. Bond la të kuptohet se Minecraft mund të jetë një shtesë e hershme në vitrinë.
Bond tha gjithashtu se dyqani do të jetë i pranishëm në ëeb, në vend të një aplikacioni, në mënyrë që të jetë më i aksesueshëm në pajisje dhe vende të ndryshme. Dyqani i lojërave i Microsoft do të paraqesë një alternativë ndaj Apple dhe Google, të cilat aktualisht dominojnë tregun si dyqanet e aplikacioneve më të rëndësishëm.
Siç vë në dukje Bloomberg, Apple dhe Google “kërkojnë një tarifë përafërsisht 30% për shitje“. Shefi i Xbox, Phil Spencer konfirmoi: “Ne duam të jemi në gjendje të ofrojmë Xbox dhe përmbajtje si nga ne ashtu edhe nga partnerët tanë të palëve të treta në çdo ekran ku dikush do të donte të luante,” tha Spencer në një intervistë me Financial Times vitin e kaluar. “Sot, ne nuk mund ta bëjmë këtë në pajisjet celulare, por ne duam të përgatitemi për një botë që mendojmë se do të vijë ku ato pajisje do të jenë të hapura për të instaluar aplikacione nga dyqanet e palëve të treta.”
Historia e lojërave celulare të Microsoft-it pa dyshim do të mbështetet katalogun e lojrave nga Activision Blizzard, duke përfshirë tituj të njohur si Candy Crush Saga dhe Call of Duty: Mobile. Microsoft, megjithatë, nuk ka zbuluar ndonjë specifikë të mëtejshme.
