Google përdor sistemin TLS (për enkriptimin standard) për të mbajtur të sigurta email-et që ju dërgoni. Megjithatë Google ofron dhe disa mënyra të tjera për të rritur akoma dhe më tepër sigurinë e të dhënave tuaja personale, duke përdorur Confidential Mode.
Ky shërbim i lejon personat të dërgojnë mesazhe që mund të skadojnë pas një kohe të caktuar dhe që parandalon marrësit të kopjojnë përmbajtjet e këtij email-i, t’i shpërndajnë apo t’i shkarkojnë. Confidential Mode mund të përdoret në Desktop përmes aplikacionit Gmail ose në mobile. Mirëpo ky shërbim duhet të aktivizohet sa herë që ju dërgoni një mesazh. Ja se si duhet të veproni.
Në Browser
- Krijoni një mesazh të ri.
- Kërkoni për ikonën e shënuar në fotografi dhe klikojeni.
- Në pop-up që shfaqet vendosni parametrat për kohën e disponueshmërisë së email-it tuaj, duke filluar nga 1 ditë deri në 5 vite.
- Nën datën e skadimit ju mund të zgjidhni dhe një ndër opsionet për gjenerimin e një passcode, për një shtresë shtesë sigurie.
Në Mobile
- Krijoni një mesazh të ri
- Klikoni në 3 pikat vertikale, dhe më pas zgjidhni Confidential mode.
- Njësoj si në browser do të keni mundësinë të zgjidhni kohëzgjatjen e këtij mesazhi dhe disponueshmërinë e tij
- Sapo të keni rregulluar settings, në fund të email-it tuaj do të shfaet një tekst që tregon se ky mesazh është konfidencial.
