Gjithçka që u prezantua gjatë WWDC 2024 nga Apple

Çdo vit Apple fillon Worldwide Developer Conference me disa prezantime të reja, dhe këtë vit ndodhi e njëjta gjë me prezantimin e Apple Intelligence të shumëpritur dhe ndryshime në asistentin virtual tashmë të fuqizuar nga AI, Siri.

Nëse nuk arritët dot të shikonit live eventin e djeshëm, klikoni këtu për ta parë të plotë. Më poshtë ne do të përmbledhim disa nga prezantimet e rëndësishme që u bënë gjatë këtij eventi.

ChatGPT i integruar në Siri

Apple po sjell ChatGPT në Siri dhe aplikacione të tjera të Apple, të fuqizuar nga GPT-4 e OpenAI dhe modele të tjera gjeneruese të AI. Së shpejti, Siri do të jetë në gjendje të kërkojë ekspertizën e ChatGPT ku mund të jetë e nevojshme, thotë Apple. Integrimet e ChatGPT do të vijnë në iOS 18, iPadOS 18 dhe macOS Sequoia më vonë këtë vit, thotë Apple, dhe do të jenë falas pa pasur nevojë për të krijuar një llogari ChatGPT ose OpenAI. Më tepër informacione gjeni këtu.

Apple Intelligence

Më në fund erdhi dhe momenti që Apple të ofrojë shërbime të inteligjencës artificiale në produktet e saj. Apple Intelligence është sistemi i ri i inteligjencës artificiale të kompanisë “që vendos modelet e fuqishme gjeneruese në thelbin e iPhone, iPad dhe Mac tuaj“.

Kjo mundëson një sërë aftësish të reja në aplikacionet e Apple, të tilla si aftësia për të gjeneruar imazhe ose për të përmbledhur tekstin. Apple Intelligence vjen me një theks të madh te siguria, pasi sistemi do të vendosë automatikisht nëse duhet të përdorë përpunimin në pajisje ose të lidhet me serverin privat të kompjuterit cloud të Apple për të përmbushur kërkesën tuaj.

https://youtu.be/Q_EYoV1kZWk

Sistemi do të jetë i disponueshëm falas dhe në iPhone 15 Pro, si dhe në iPad dhe Mac me një çip M1 dhe më të rinj.

Shërbimet e reja në Mail, Messages, Photos dhe aplikacione të tjera

Përvec shërbimeve të lartpërmendura, kompania tregoi dhe shërbimin e ri Genmoji, që ju lejon të krijoni emoji të personalizuar bazuar në një tekst, së bashku me një gjenerues të ri imazheshtëfuqizuar nga AI të quajtur Image Playground.

Apple po sjell AI në aplikacionin Photos, gjithashtu, duke ju dhënë mundësinë për të kërkuar foto duke përdorur gjuhën e folur. Ju gjithashtu mund të fshini objektet në sfondin e fotografive tuaja, si Magic Eraser në Google. Për më tepër, Apple po shton transkriptime dhe përmbledhje të fuqizuara nga AI te Notes dhe aplikacioneve të tjera të telefonit.

Pas kaq shumë vitesh, mund të vendosni ikonat kudo të dëshironi

Përveç gjithë inteligjencës artificiale, Apple po prezanton një Control Center të re dhe më të personalizueshme në iOS 18. Po ashtu do të lejojë përdoruesit të vendosin ikonat e aplikacioneve në home screen kudo që ato të dëshirojnë, dhe duke lënë hapësira boshe, një mundësi që në Android ka ekzistuar prej shumë vitesh. Për më tepër, ju mund të aktivizoni dark mode dhe për ikonat, siç mund të shikohet në foton e mësipërme.

Kompania gjithashtu do t’ju lejojë të kyçni disa aplikacione me përditësimin e ardhshëm, duke i parandaluar njerëzit e tjerë që t’i përdorin ato kur u jepni telefonin tuaj.

Mbështetje për RCS në iOS 18

Pasi njoftoi mbështetjen për RCS vitin e kaluar, Apple konfirmoi se po arrin me iOS 18. Megjithatë, nuk u zgjerua në asnjë detaj tjetër përtej kësaj. iMessage po merr edhe disa përmirësime të tjera, duke përfshirë aftësinë për të planifikuar dërgimin e mesazheve në një orar të caktuar dhe mbështetjen për mesazhet SMS përmes satelitit.

Aplikacioni i ri Photos

Aplikacioni i ri vjen me një  navigacion të ri, veçori të reja organizative dhe mënyra të tjera për të zbuluar fotot tuaja të preferuara, duke përfshirë ato të miqve, familjes, kafshëve shtëpiake, udhëtimeve dhe më shumë. Disa gjëra që duhet të dini: Dizajni i ri do të shkurtojë kohën e kërkimit të një fotografie pasi vendos gjithçka që ju nevojitet lehtësisht. Një ndryshim i madh përfshin mënyrën se si aplikacioni është bashkuar në një pamje të vetme me rrjetën e fotografive dhe bibliotekën, të organizuar sipas temës, më poshtë.

Aplikacion i ri për menaxhimin e fjalëkalimeve, i quajtur “Passwords”                                                                              

Siç u përfol javën e kaluar, Apple ka prezantuar një aplikacion të ri Passwords që do t’ju lejojë të menaxhoni detajet e llogarive tuaja në pajisje të ndryshme. Aplikacioni do t’ju lejojë të gjeneroni dhe ruani fjalëkalime në mënyrë të ngjashme me menaxherët e tjerë të fjalëkalimeve si LastPass dhe 1Password. Passwords do të jenë të disponueshme në iOS, iPadOS, macOS, visionOS dhe madje edhe Windows.

Më në fund: aplikacioni Calculator vjen në iPadOS

Së shpejti do të vijë aplikacioni Calculator në iPadOS, më shumë se një dekadë pas prezantimit të parë të tij. Ai vjen me një veçori të re të quajtur Math Notes, e cila ju lejon të përdorni Apple Pencil për të shkruar ekuacione në iPad tuaj dhe që aplikacioni i zgjidh ato për ju.

Apple po lançon gjithashtu një shërbim Smart Script, i cili përdor machine-learning për të përmirësuar pamjen e shkrimit tuaj të dorës dhe për të kontrolluar gabimet drejtshkrimore në shënimet tuaja.

VisionOS 2

visionOS 2 sjell me vete përmirësime të produktivitetit dhe “përvoja të reja zhytëse“. Një opsion i ri navigimi ju lejon të kaloni në ekranin bazë thjesht duke trokitur ose rrotulluar dorën për të shfaqur qendrën e kontrollit me njoftime dhe më shumë. Një nga prezantimet më të mëdha për visionOS përfshin aftësinë për të kthyer imazhet ekzistuese në spatial photos. Funksioni i ri përdor machine-learning për të ndërtuar kënde shtesë, duke shënuar një ndryshim nga metoda ekzistuese, e cila kërkonte shkrepjen e imazheve në një iPhone 15 Pro ose në vetë Vision Pro.