Gara midis shërbimeve të ofruara nga Apple dhe Android është më e afërt se kurrë. Në betejën e përjetshme midis telefonave Apple dhe telefonave Android, Android ka qenë përpara në një shërbim kryesor: mund të planifikonit dërgimin e mesazheve para kohe në pajisje.
Sigurisht, ju mund të planifikoni dërgimin e mesazheve dhe në një iPhone – nëse keni kohë dhe durim për të krijuar një automatizim të ndërlikuar të Shortcuts për të. Sipas Mark Gurman të Bloomberg, Apple do të ofrojë në iOS 18 që përdoruesit të krijojnë një mesazh në Messages dhe ta planifikojnë atë për ta dërguar në një moment tjetër.
Është një nga shërbimet më të dobishme në çdo pajisje – dhe fansat me siguri do të jenë të gëzuar për këtë shërbim nëse raporti i Gurman rezulton i vërtetë.
Ajo do të funksionojë në mënyrë të ngjashme me planifikimet që ne bëjmë në dërgimin e një emaili nëse jeni duke punuar me dikë në një zonë tjetër kohore ose nuk dëshironi të dërgoni një email pas orarit të punës.
Ose nëse jeni një nga ata djem që urojnë çdo mëngjes partneren e tyre me një fotografi kafeje dhe lulesh dhe dëshironi të siguroheni që teksti juaj të arrijë para të tjerëve, ky është një shërbim mjaft i dobishëm.
Mjaft mirë ky shërbim mund të dërgohet dhe drejt personave të ndryshëm për t’i uruar atyre ditëlindjen fiks në orën 00:00.
Do ta zbulojmë me siguri në WWDC 2024 të hënën. Ashtu si shumë ngjarje teknologjike këtë vit, ka të ngjarë të përqendrohet rreth inteligjencës artificiale gjeneruese, por ne gjithashtu presim disa njoftime për veçori të reja për Messages, Mail, macOS 15 dhe më shumë.
