Nëse zotëroni një iPhone që është shtatë vjeçar ose më shumë, mund të jeni të ekspozuar ndaj një sulmi kibernetik. Ekspertët e sigurisë kanë paralajmëruar se telefonat inteligjentë të prodhuar nga viti 2008 deri në vitin 2014 nuk do të marrin më përditësime të softuerit që mbrojnë përdoruesit nga malware dhe sulme të tjera.
Për momentin iPhone 6s dhe të gjithë pajisjet më të vjetra se 6s nuk mbështeten më nga Apple me përditësime softueri, dhe lista do të zgjerohet me kalimin e viteve. Për shembull, Apple tha se familja e fundit e iPhone 15 do t’i bashkohet kësaj liste në vitin 2030.
Gjithashtu, faqja e shërbimit ndaj klientit të Apple shpjegon gjithashtu se ‘serviset e certifikuara nuk mund të porosisin pjesë për produkte të vjetruara’. Jake Moore, këshilltari global i sigurisë kibernetike në firmën e softuerëve ESE, tregoi për Forbes: “iPhone-të e vjetër mbeten ende në qarkullim, dhe pasi të gjendet një e metë në siguri, ajo mund të shfrytëzohet me shpejtësi nga sulmuesit dhe të vendosë në rrezik sigurinë e përdoruesve. Nëse njerëzit përdorin iPhone që janë jashtë mbështetjes së Apple – megjithëse është zhgënjyese – ata duhet të konsiderojnë zëvendësimin e tyre me një pajisje më të re, më të sigurt.’
Një iPhone konsiderohet ‘i vjetëruar’ pasi të arrijë “moshën 7 vjeçare” pas prezantimit. Modeli i fundit që iu bashkua listës ishte iPhone 6 Plus në prill, i cili bëri debutimin e tij në 2014. Për ata që e përdorin ende iPhone 6 Plus dhe e dëmtojnë, do ta kenë të vështirë ta rregullojnë atë, sepse së bashku me vjetërsimin e pajisjes, Apple ka ndaluar gjithashtu prodhimin e pjesëve për smartphone.
