Shkencëtarët besojnë se Alzhaimeri mund të trajtohet përmes kombinimit të tingujve dhe dritës, dhe studimet e reja të kryerja mbi minjtë tregojnë se si kjo terapi konvencionale mund të ndihmojë njerëzit.
Teknologjia joinvazive e stimulimit të trurit vjen si një kombinim i stimujve audiovizuale ritmikë me frekuencë 40Hz, të krijuar për të rritur shëndetin e trurit duke rritur aktivitetin nervor në të njëjtën frekuencë “gama”. Nëse kjo praktikë realizohet për një orë çdo ditë përmes një kufje të integruar ose panel ekrani, terapia në shtëpi ka rezultuar premtuese në testimin e hershëm klinik.
Tek njerëzit me faza të ndryshme të Alzhaimerit, ajo është shoqëruar me vëllim të ruajtur të trurit, lidhje të forcuar midis neuroneve, përmirësim të funksionimit mendor dhe gjumë më të qetë. Një startup pajisjesh mjekësore e quajtur Cognito Therapeutics aktualisht po vlerëson terapinë ndijore në një provë të madhe të rastësishme të njerëzve me Alzheimer të lehtë deri në të moderuar. Ndërkohë, bashkëthemeluesit akademikë të kompanisë – neuroshkencëtari Li-Huei Tsai dhe neuroinxhinieri Ed Boyden, të dy në Institutin e Teknologjisë të Massachusetts (MIT) – vazhdojnë të theksojnë sesi seancat e sinkronizimit 40 Hz shkaktojnë ndryshime të dobishme në minjtë e testuar.
-p-1600.webp)
Në punimin e tyre të fundit, studiuesit e MIT zbuluan se ky “ilaç ritmik” ndihmon në eleminimin e beta-amiloidit, proteinës ngjitëse që grumbullohet në trurin e personave që vuajnë nga Alzhaimer. Dhe këtë e bën përmes një procesi të pastrimit nervor të njohur si pastrimi glimfatik.
Nëse provat klinike konfirmojnë aftësinë e stimujve 40-Hz për të nxitur pastrimin nervor, për të ruajtur strukturën e trurit dhe për të ngadalësuar demencën, terapia mund të shfaqet si një qasje e përballueshme për menaxhimin e Alzheimerit – veçanërisht kur krahasohet me trajtimet alternative, me antitrupat monoklonal.
