Në ditët e stome ne kërkojmë në Google pothuajse çdo gjë që mendojmë. Por pavarësisht se Google ka përgjigjet për pothuajse çdo gjë, ka disa fraza që nuk duhet t’i kërkoni në motorin e kërkimit, sepse mund t’i hapni probleme vetes. Një ekspert ka zbuluar frazat kryesore që duhet të shmangni dhe pse.
Kredi të lehta
Është gjithmonë më mirë t’i drejtoheni huadhënësve të njohur, në vend që të kërkoni verbërisht në Google për kredi. Mashtruesit ndonjëherë reklamojnë për dhënien e kredive lehtësisht të arritshme që kërkojnë tarifa paraprake, por në realitet, fondet e premtuara nuk shfaqen kurrë në llogarinë tuaj bankare.
Numrat e shërbimit ndaj klientit
Nëse keni kërkuar ndonjëherë në website-in e një kompanie për një numër shërbimi ndaj klientit dhe nuk keni arritur ta gjeni, mos u tundoni të kërkoni për këtë numër në Google. Mashtruesit shpesh blejnë reklama të rreme për t’u shfaqur në krye të rezultateve të kërkimit – dhe gjëja e fundit që dëshironi është të telefononi një mashtrues.
Skemat e fitimit të parave
Eksperti Van Pelt shpjegon se këto lloj mundësish janë shpesh skema piramidale. Një skemë piramidale është një model biznesi i paligjshëm që fiton para nga rekrutimi i vazhdueshëm i të personave të ndryshëm.
“Shmangni kapjen në skemat piramidale. Për mundësi investimi, konsultohuni gjithmonë me një ndërmjetës investimi ose këshillues financiar të njohur,” tha ai.
“Punë nga shtëpia me pagesë të lartë”
Nëse jeni duke kërkuar për një punë të re, kërkoni gjithmonë në agjencitë dhe faqet e internetit me reputacion. Mashtruesit shpesh reklamojnë punë në këtë mënyrë për të provuar të joshin ata që kërkojnë punë. Në realitet, mashtruesi mund të përpiqet të mbledhë informacionin tuaj personal në vend të kësaj.
Tech support
Mashtruesit shpesh krijojnë faqje të suportit teknologjik të rreme për të provuar të fitojnë akses në distancë dhe të instalojnë malware në pajisjen tuaj.
