Dhe pse jemi shumë pranë verës dhe temperaturat janë rritur ndjeshëm, parashikimi i motit tregon se gjatë kësaj fundjave mund të ketë reshje shiu. Megjithatë parashikimet e motit nuk janë gjithmonë të sakta, dhe ne na mbetet të mendojmë nëse ekziston një mënyrë më e mirë për të parashikuar reshjet e shiut.
Në fakt, disa njerëz tregojnë se kanë aftësinë të nuhasin shiun para se të bjerë, dhe pse shumë persona që nuk e kanë këtë aftësi nuk e besojnë këtë gjë.
Në fakt ka prova shkencore që vërtetojnë se disa njerëz kanë aftësinë të nuhasin fizikisht shiun para se të bjerë, dhe e gjitha kjo falë aromës “petrichor”. Kjo fjalë rrjedh nga gjuha greke, pasi petros do të thotë gur dhe ichor, i njohur gjithashtu si substanca që rridhte nëpër venat e perëndive greke.
Gjithsesi, rezulton se kjo erë unike prodhohet nga një bakter i tokës, i cili çliron një kimikat të quajtur geosmin. Aftësia jonë për ta nuhatur këtë aromë është në fakt mjaft mbresëlënëse, duke qenë më e fuqishme se aftësia e një peshkaqeni për të ndjerë prezencën e gjakut.
Era specifike është më e qartë pasi ka rënë pak shi, pasi pikat e shiut mbushin pellgjet, ku mund të krijojnë xhepat e ajrit. Më pas, njësoj si aerosolët e vegjël, ato marrin me vete në formën e flluskave çfarëdo kimikatesh dhe mikroorganizmash që përmban pellgu në nivelin e hundës tonë, dhe më pas ne arrijmë të nuhasim “shiun që po vjen”.
