Samsung dhe Apple janë dy nga rivalët më të mëdhenj në botën e teknologjisë. Pra, nuk është për t’u habitur aspak fakti që Samsung ka filluar të tallet me Apple për problemet e alarmit këtë javë.
Apple pranoi zyrtarisht me një deklaratë problemet me alarmin në iPhone, pasi përdoruesit raportuan se alarmet e tyre nuk po bien, duke bërë që shumë të humbasin orarin e punës apo shkollës. Ndërsa Apple i ka siguruar përdoruesit se po e rregullon problemin, Samsung ka hyrë në Instagram për vënë në lojë rivalin e saj.
“Të jeni të sigurt që alarmet tona bien gjithmonë“, postoi në një video të një qeni dachshund duke luajtur me një mikser DJ. Problemet e Apple nisën në fillim të kësaj jave dhe kanë shkaktuar probleme për shumë përdorues të iPhone.
Një përdoruese tepër e mërzitur e iPhone, Alyssa Sarracco, tregoi se ka humbur disa në mësime në shkollë pasi asnjë nga ‘pesë alarmet’ që ajo vendosi nuk u ra atë ditë. Një tjetër klient i pakënaqur i Apple, Reid Manning, nuk është zgjuar nga alarmi i saj për tre ose katër ditë, ndërsa 24-vjeçari Pete Layzell sapo arriti të shkojë në punë në kohë këtë mëngjes pasi alarmi i tij nuk ra.
Nuk është e qartë se sa i përhapur është çështja ose nëse lidhet me një model specifik iPhone ose version të softuerit iOS, por Apple e ka pranuar gabimin dhe po punon për një rregullim. Samsung UK nuk priti megjithatë, duke publikuar në Instagram të martën një postim për të vënë në lojë rivalin e saj.
Kompania postoi videon me mbishkrimin: ‘Përdoruesit e Samsung u zgjuan në kohë sot,’.
