Ferrari prezantoi të enjten pasardhësin e tij të 812 Superfast, i cili do të quhet 12Cilindri. Prezantimi u bë në një ngjarje të veçantë në Miami Beach për të festuar 70 vjetorin e shitjeve të Ferrarit në SHBA.
Ndryshe nga 812 Superfast, i cili rrjedh nga paraardhësi i tij F12 Berlinetta, 12Cilindri përfaqëson një ridizajnim themelor për makinën GT të Ferrarit. Të dy stilet e trupit si ajo coupe dhe e konvertueshme do të jenë të disponueshme që në fillim, me këtë të fundit, të quajtur 12Cilindri Spider, të pajisur me një mbulesë të fortë që tërhiqet.
Motori i makinës është versuoni më e fundit e ikonës Ferrari V-12, me emrin e koduar F140HD. Ai arrin një maksimum prej 819 kuajfuqi pa përdorimin e sistemeve me induksion të detyruar ose hibrid. Duke pasur parasysh emrin e makinës, ky mund të jetë modeli i fundit i Ferrarit i fuqizuar thjesht nga një motor me 12 cilindra. V-12 nuk do të largohet së shpejti, megjithëse versionet e ardhshme ka të ngjarë të elektrizohen.
Motori lidhet me një transmetim automatik me 8 marshe dhe fuqizon vetëm rrotat e pasme. Sipas Ferrarit, ndërrimi i marsheve është 30% më i shpejtë se në 812 Superfast. Performanca e pretenduar përfshin përshpejtimin 0-100 km/h në 2,9 sekonda dhe një shpejtësi maksimale 340 km/h.
Paketa mekanike është e mbështjellë me një pamje të jashtme mahnitëse të frymëzuar qartë nga 365 GTB/4 Daytona. Ekipi i dizajnit, i udhëhequr nga Flavio Manzoni, është përpjekur të reduktojë linjat, duke rezultuar në një pamje shumë të pastër.
Brenda, ka ndenjëse për dy persona. Ferrari përfshin disa ekrane brenda në makinë, si për drejtuesin dhe për pasagjerët, të cili ofrojnë akses në media dhe funksione të tjera të automjetit.
