Në të gjithë botën ekziston një mungesë e produkteve të gjakut të nevojshme për transfuzionet që shpëtojnë jetë për shkak të faktorëve si një popullsi në plakje me një kërkesë më të madhe për të dhe mungesën e dhuruesve vullnetarë.
Çdo grup gjaku (A, B ose AB) identifikohet nga prania e antigjeneve A dhe B të lidhura me zinxhirët e oligosakarideve në sipërfaqen e qelizave të kuqe të gjakut. Qelizat e gjakut në grupin 0 nuk kanë antigjenë. Kur jepet një transfuzion gjaku, grupet e gjakut të dhuruesit dhe marrësit duhet të përputhen, përndryshe, sistemi imunitar do të sulmojë dhe shkatërrojë qelizat e gjakut të dhuruara, duke shkaktuar një reaksion potencialisht fatal.
Studiuesit në Universitetin Teknik të Danimarkës (DTU) dhe Universitetin Lund, Suedi, kanë përdorur enzima të prodhuara nga një bakter i zakonshëm në zorrë për të eleminuar antigjenet A dhe B nga qelizat e kuqe të gjakut, duke na sjellë një hap më afër krijimit të gjakut që mund të dhurohet universalisht.
Bakteri që studiuesit studiuan ishte Akkermansia muciniphila, një banor i zakonshëm i në zorrët e shëndetshme të njeriut. Megjithatë është për t’u theksuar se studiuesit nuk e përmendin faktorin Rh në studimin e tyre. Përveç grupit të gjakut, gjaku kategorizohet më tej si Rh-pozitiv (qelizat e kuqe të gjakut mbartin antigjenin Rh) ose Rh-negativ (ata nuk e mbajnë).
Për shembull, dikush mund të thotë se janë ‘AB negative’. Transfuzioni i parë i gjakut Rh-pozitiv te një dhurues Rh-negativ i bën ata të zhvillojnë antitrupa anti-Rh në mënyrë që një transfuzion i mëvonshëm mund të prodhojë një reaksion të fuqishëm si në transfuzionin e grupit të ndryshëm të gjakut, duke shkatërruar qelizat e gjakut të dhuruar.
