TikTok ka qenë në qendër të polemikave për qeverinë e Shteteve të Bashkuara në vitet e fundit. Në veçanti, anëtarët e Senatit besojnë se kompania mëmë me bazë në Kinë ByteDance mund të spiunojë përdoruesit e saj dhe të ndajë informacione me qeverinë kineze. Me frikën se TikTok mund të mbyllet nëse legjislacioni i ri miratohet nga Kongresi dhe me ligjvënësit që shtyjnë për shitjen e rrjetit social, ish-CEO i Activision Bobby Kotick thuhet se po kërkon të blejë platformën.
Bobby Kotick, ish-CEO i Activision Blizzard, i është afruar themeluesit të ByteDance Zhang Yiming për të shprehur interesin për të blerë platformën e mediave sociale TikTok, sipas raporteve nga Wall Street Journal. Dhe pse kjo ofertë vjen në një moment të vështirë për TikTok në SHBA, blerja e platformës nuk do të jetë e lirë, me një çmim të vlerësuar në qindra miliarda dollarë. Ish-ekzekutivi i Activision thuhet se e hodhi idenë në një tryezë me njerëz që përfshinte CEO-n e OpenAI, Sam Altman.
Aktualisht disa shtete në SHBA kanë ndaluar përdorimin e TikTok nga pajisjet qeveritare shumë kohë më parë, me drejtuesin e Maryland Larry Hogan që pretendon se “aplikacioni përfaqëson një nivel shumë të lartë risku për sa i përket sigurisë kibernetike të shtetit”.
Kotick u largua nga Activision Blizzard në fund të vitit 2023, pas mbylljes së blerjes nga Microsoft dhe ABK, me ish-CEOn që thuhet se ka përfituar gati gjysmë miliardi dollarë nga shitja.
