Një ekip studiuesish në një startup me bazë në Berkeley të quajtur Profluent tregojnë se kanë përdorur teknologji gjeneruese të AI për të modifikuar ADN-në e njeriut.
Startup-i ushqeu me sasi të mëdha të dhënash biologjike një model të madh gjuhësor (LLM) për të krijuar teknologjinë e re të bazuar në teknikën novatore të modifikimit të gjeneve CRISPR, siç detajohet në një publikim. Qëllimi i tyre është të prodhojnë mjete për modifikimin e gjeneve që janë më efikas dhe më të aftë se mekanizmat ekzistues biologjikë që lejojnë organizmat, për shembull, të largojnë sëmundjet dhe patogjenët e tjerë.
Profluent gjithashtu pretendon se ka përdorur tashmë një nga këta mjete të krijuara nga AI, të quajtur OpenCRISPR-1, për të modifikuar ADN-në njerëzore. Kompania thotë se është “mjeti i parë i modifikimit të gjeneve open-source, i gjeneruar nga AI” në botë që është “projektuar nga e para me AI“.
“Suksesi ynë tregon për një të ardhme ku AI harton saktësisht atë që nevojitet për të krijuar një sërë kurash për sëmundjet,” tha bashkëthemeluesi dhe CEO Ali Madani në një deklaratë për shtyp. “Për të nxitur inovacionin dhe demokratizimin në redaktimin e gjeneve, me qëllimin për të çuar përpara këtë të ardhme, ne po sigurojmë që produktet e kësaj nisme të kenë kod burimor të hapur për publikun.”
Dhe pse modeli i AI është open-sourced, kompania po e mban sekret vetë teknologjinë e AI. Për momentin, është më shumë një fazë testuese dhe është ende e paqartë nëse OpenCRISPR-1 do të jetë në gjendje të përputhet ose të tejkalojë modelet ekzistuese CRISPR, siç thekson NYT.
Përveç kësaj, ajo që me të vërtetë e pengon fushën e modifikimit të gjeneve është numri i studimeve që tregojnë nëse këto modifikime janë të sigurta dhe efektive. Pavarësisht nga optimizmi, shkencëtarët janë ende të shqetësuar për efektet anësore të mundshme të modifikimit të ADN-së njerëzore, duke përfshirë potencialin e rritjes së rasteve të kancerit.
Profluent shpreson të shfrytëzojë ekspertizën e studiuesve të tjerë për të përmirësuar modelin me kalimin e kohës.
