Për një kohë të gjatë, shkencëtarët besonin se e dinin se sa shpejt po rritet universi – por sa më shumë që mësojmë, aq më pak të vërteta duken këto teori. Në thelb, “konstantja e Hubble” mat shpejtësinë me të cilën universi po zgjerohet. Problemi i vetëm është se ekzistojnë instrumente të ndryshme që ofrojnë vlera të ndryshme të shpejtësisë, duke krijuar atë që njihet si “tensioni i Hubble”.
Ky fenomen ngre një mundësi interesante: që, siç shpjegon fituesi i çmimit Nobel, Adam Riess në një postim në blog të NASA-s, shumë nga ato që menduam se dinim për universin mund të kenë qenë të gabuara. “Ne kemi shtrirë tani të gjithë gamën e vëzhguar nga teleskopi Hubble dhe mund të përjashtojmë një gabim në matje si shkak për ekzistencën e tensionit të Hubble me besim shumë të lartë,” tha fizikanti i Johns Hopkins.
Astronomët kanë përdorur teleskopët hapësinorë James Webb dhe Hubble për të konfirmuar një nga enigmat më shqetësuese në të gjithë fizikën – që universi po zgjerohet me shpejtësi të ndryshme në varësi të vendit ku shikojmë.
Duke drejtuar teleskopin Webb thellë në univers në përpjekje për të konfirmuar numrat e ndërlikuar të Hubble në vitin 2023, shkencëtarët u habitën kur teleskopi më i ri konfirmoi gjetjet e paraardhësit të tij, duke thelluar mospërputhjen.
Një mundësi për rezultatin befasues mund të jetë grumbullimi që i bëhet yjeve, i cili ndodh kur teleskopët hapësinorë shohin më shumë yje sesa janë në gjendje të trajtojnë, dhe në këtë rast mund të ndikojë në matjet e zgjerimit të universit pasi drita e yjeve në thelb shtrembëron vizionin e tyre. Pluhuri yjor e bën këtë efekt edhe më të fortë, por siç shpjegon NASA, Webb duhet të jetë në gjendje të shmangë këtë problem duke siguruar imazhe më të sakta, ndërkohë që bën dhe një matje të saktë të distancës.
“Për sa kohë kemi përjashtuar gabimet në matje, ajo që mbetet është mundësia reale dhe emocionuese që ne kemi keqkuptuar universin,” tha në një deklaratë autori kryesor i studimit Adam Riess.
