Samsung ka ofruar rregullisht përditësime jo vetëm për serinë më të re të smartphone-ve flagship Galaxy S24, por për shumë pajisje të ndryshme. Përmes përditësimit të muajit shkurt, Samsung përmirësoi ndjeshëm kamerat, megjithatë jo të gjitha problemet e kamerës u rregulluan dhe kompania thuhet se po planifikon t’i rregullojë ato probleme me një përditësim tjetër të softuerit që mund të vijë shumë shpejt.
Sipas një raporti nga leaker-i Ice Universe, Samsung do të lëshojë një përditësim të madh të softuerit për serinë Galaxy S24 në prill 2024 për të rregulluar disa nga shërbimet kryesore të kamerës. Kompania thuhet se do të rregullojë çështjet në lidhje me white balance dhe cilësinë e imazhit nga sensori i kamerës telefoto.
Aktualisht, cilësia e imazhit të shkrepjeve me zmadhim deri në 9,9x është më e mirë se ajo e imazheve me zmadhim 10x. Ky problem mund të zgjidhet me përditësimin e prillit 2024. Ndonjëherë, dhe ekspozimi mund të jetë i lartë në imazhet e shkrepura duke përdorur kamerën e Galaxy S24, duke zhdukur hijet, ose white balance mund të duket shumë i ngrohtë. Samsung mund ta rregullojë këtë problem përmes update-it të softuerit.
Një problem tjetër me kamerën e Galaxy S24 është se ndonjëherë mund të regjistrojë imazhe më të errëta dhe Samsung ka thënë tashmë se do ta rregullojë këtë problem në të ardhmen. Shpresojmë që rregullimi për atë problem të arrijë gjithashtu me përditësimin e prillit 2024.
