Cyber Tire i Pirelli, një risi teknologjike që dikur përdorej vetëm në supermakina si McLaren Artura, tani po testohet në botën reale përmes një projekti pilot në rajonin e Apulia në Itali. Këto goma inteligjente janë të pajisura me një sensor Bluetooth që mat temperaturën, presionin, llojin e gomës dhe konsumimin, dhe i dërgon këto të dhëna direkt makinës. Ajo mund të paralajmërojë edhe për rreziqe si rrëshqitja në ujë.
Sensori funksionon me një bateri të vogël që zgjat për gjithë jetën e gomës dhe përballon forca mbi 3,500 G. Në Apulia, këto goma nuk do të instalohen në makina private, por në një flotë të kompanive që japin makina me qera të quajtur Ayvens. Këto makina do të mbledhin të dhëna për gjendjen e rrugëve, veçanërisht për cilësinë e asfaltit, përmes algoritmeve inteligjente.
Risia e këtij projekti qëndron në integrimin e të dhënave të gomave me ato të kamerave rrugore dhe teknologjinë e vizionit kompjuterik të kompanisë suedeze Univrses. Të dhënat përpunohen në cloud dhe janë të aksesueshme për autoritetet publike në panele digjitale, për të vlerësuar gjendjen dhe sigurinë e infrastrukturës rrugore.
Presidenti i rajonit të Pulias, Michele Emiliano, e quajti këtë një marrëveshje historike që ndërthur inovacionin me planifikimin urban afatgjatë.
Megjithatë, ka pengesa për projekte të ngjashme në SHBA. Pirelli mund të përballet me ndalime për shkak të lidhjeve të mundshme me investime kineze, të cilat bien ndesh me ndalesat për teknologji të lidhura kineze që janë miratuar më parë në SHBA.
Article by Xhonald Mamo
