Warren Buffett nuk po nxitohet ende të investojë në tregun e inteligjencës artificiale, duke paralajmëruar për potencialin dëmtues të teknologjisë.
“Kur mendoni për potencialin për të mashtruar njerëzit … nëse do të isha i interesuar të investoja në mashtrime, do të ishte industria më me rritjen më të madhe të të gjitha kohërave dhe do të mundësohet, në një farë mënyre nga AI”, tha Buffett në mbledhjen vjetore të aksionerëve të shtunën në Berkshire Hathaway.
Buffett vuri në dukje aftësinë e teknologjisë për të riprodhuar përmbajtje realiste dhe mashtruese në një përpjekje për të vjedhur para në emër të personave me qëllime të këqija. Mashtruesit dihet se përdorin teknologjinë e klonimit të zërit me AI dhe deepfakes për të krijuar vide dhe imazhe që imitojnë familjarë dhe miqtë e një individi për të kërkuar para ose informacion personal.
“Natyrisht, AI ka potencial edhe për gjëra të mira, por … unë mendoj se, si dikush që nuk e kupton asgjë për të, ajo ka një potencial të madh për të bërë vepra të mira dhe potencial të madh për të dëmtuar – dhe unë thjesht nuk e kuptoj e di se si funksionon kjo”, shtoi Buffett.
Inteligjenca artificiale ka qenë tema më e diskutuar në Wall Street për më shumë se një vit, pasi investitorët vënë bast mbi potencialin e teknologjisë për të sjellë fitime më të larta në të ardhmen. Aksionet si Nvidia dhe Meta Platforms janë rritur gjatë bumit të AI, përkatësisht me 507% dhe 275%, që nga fundi i 2022. Megjithatë, Buffet pranoi se ai nuk është i njohur me AI dhe krahasoi potencialin e saj me atë të bombës atomike gjatë shekullit të 20-të.
