Samsung po përgatitet për një event mjaft të rëndësishëm gjatë verës, dhe raportimet e reja tregojnë se bëhet fjalë që Galaxy Unpacked të organizohet në datën 10 korrik.
Kjo është hera e parë që flitet për datën e saktë të lançimit, pasi më parë përmendej thjeshtë “pak para nisjes së Lojrave Olimpike”. Data 10 korrik, që është e mërkurë, përputhet në mënyrë të përkryer me modelin e zakonshëm të Samsung, edhe pse është disa javë më herët në krahasim me një vit më parë.
Megjithatë Samsung ka arsye të mira për t’i përshpejtuar gjërat për disa javë. Besohet se Samsung do të organizojë eventin e radhës Galaxy Unpacked në Louvre në Paris. Ky është gjithashtu vendndodhja e Lojërave Olimpike 2024, kështu që prezantimi i gjeneratës së re të produkteve si Galaxy Z Flip apo Z Fold përpara ndezjes së pishtarit është padyshim në interesin më të mirë të Samsung.
Lojërat Olimpike fillojnë më 26 korrik. Kjo gjithashtu përputhet mirë me sponsorizimin e zakonshëm të Lojërave Olimpike nga Samsung, pasi kompania ka krijuar pajisje “special edition“ shumë herë posaçërisht për Lojërat Olimpike.
Vitin e kaluar, eventi i lançimit të smartphone-ve të palosshëm u realizua në Korenë e Jugut.
