Apple sapo përfundoi eventin e tij “Let Loose“, ku prezantoi një linjë të re iPad për herë të parë pas gati dy vitesh. Por gjatë këtij eventi kishte më shumë surpriza se thjesht iPad të rinj – ne gjithashtu mësuam rreth disa aksesorëve të rifreskuar dhe versioneve të reja të software.
Nëse dëshironi një përmbledhje të shpejtë të gjithçkaje që njoftoi Apple, shikoni përmbledhjen tonë më poshtë.
Apple Pencil Pro
Apple prezantoi një Apple Pencil Pro të ri për t’u përdorur me iPad Pro dhe pajisjet e reja iPad Air. Ju mund ta shtrëngoni lapsin për të aktivizuar një shërbim të paracaktuar dhe lapsi do të jetë i pajisur me sensorë të rinj që lejojnë kontroll të saktë të mjetit që po përdorni. Pencil Pro i ri tani do të mbështesë gjithashtu FindMy, kështu që mund ta gjeni në aplikacionin Find My nëse nuk po e gjeni atë. Ngjashëm me produktin e mëparshëm, Pencil Pro mbahet dhe karikohet në mënyrë magnetike në iPad. Apple Pencil Pro i ri do të kushtojë $129 dhe do të jetë i disponueshëm duke nisur nga java e ardhshme.
Magic Keyboard i ri
Magic Keyborad është ridizenjuar për të qenë më e hollë dhe më e lehtë për të punuar me iPad Pro të ri, siç thotë Apple. Ai do të vijë në dy ngjyra për t’iu përshtatur Pro-së së re, do të ketë një trup alumini dhe do të ketë një rresht me function keys. Magic Keyboard do të vijë në dy madhësi, me 11-inç duke filluar nga $299 dhe 13-inç duke filluar nga $349.
iPad Pro të rinj
iPad Pro i ri, i cili do të jetë i disponueshëm në ngjyrë argjendi dhe të space black, do të ketë një ekran me dy panele OLED, të cilat Apple po e quan Tandem OLED. Të dyja madhësitë e iPad Pro do të vijnë me teknologjitë e reja të ekranit.
iPad Pro gjithashtu tani do të ketë çipin e ri M4 – i cili gjithashtu u prezantua në këtë event– duke u larguar nga M2, për të cilin Apple thotë se do ta bëjë pajisjen “katër herë më të shpejtë”. Kamera gjithashtu është përditësuar, gjë që mund të ndihmojë në skanimin e dokumenteve. Modelet e reja iPad Pro do të jenë në dispozicion javën e ardhshme, me modelin 11-inç që fillon nga $999 dhe 13-inç që fillon nga $1299.
iPad Air të rinj
Apple iPad Air i ri tani do të vijë në dy madhësi: një ekran 11-inç dhe një ekran më të madh 13-inç. Të dy do të kenë çipin e përditësuar M2. Ndryshime të tjera kryesore: kamera e përparme tani do të jetë në skajin e pajisjes si dhe tableti do të ofrojë spatial audio. Opsionet e reja të ngjyrave përfshijnë ngjyrat blu dhe vjollcë, përveç ngjyrave të tjera si starlight apo space gray. iPad-ët do të mund të funksionojnë dhe me Magic Keyboard. Për sa i përket memories, kompania po ofron opsione 512GB dhe 1TB. iPad Air 11 inç fillon nga $599 dhe 13 inç fillon nga $799.
Përditësime për Final Cut Pro dhe Logic Pro
:format(webp)/cdn.vox-cdn.com/uploads/chorus_asset/file/25437200/final_cut_ipad.png)
Përditësimet e reja për Final Cut Pro dhe Logic Pro u njoftuan gjithashtu gjatë eventit të majit. Për Final Cut Pro, Apple prezantoi një funksion multicam live, në të cilin një përdorues mund të lidhë deri në katër kamera. Ata njoftuan gjithashtu një aplikacion të ri për iPhone dhe iPad – Final Cut Camera – i cili do t’i lejojë përdoruesit të lidhin katër iPhone ose iPad për videot e regjistruara. Përditësimet në Logic Pro përfshijnë efekte të reja, dhe tani mund të përdorë machine learning për të modeluar tingullin në detaje.
