Eventi më i madh në botë i fokusuar në teknologjinë e smartphone-ve do të nisë të hënën (26 shkurt), me industrinë që do t’i kthehet inteligjencës artificiale për të kënaqur përdoruesit. Geek Room dhe Neptun do të jenë të pranishëm në këtë event për të sjellë drejt ndjekësve detajet më të reja rreth inovacioneve teknologjike që do të prezantohen.
Ndikimi i AI është i pranishëm tashmë kudo nëpër smartphone, pasi kompanitë nxitojnë të adoptojnë AI gjeneruese dhe lloje të tjera të shërbimit machine-learning. Firmat në të gjithë sektorin wireless po integrojnë AI me telekomunikacionin. Disa kompani po shtojnë veçori të AI në telefonat inteligjentë dhe pajisje të tjera, ndërsa të tjera po përdorin AI për të përmirësuar mënyrën se si funksionojnë sistemet e rrjetit.
“Inteligjenca Artificiale i ofron industrisë së telekomunikacionit dhe shoqërive të cilave u shërben, mundësi të mëdha për të nisur shërbime të reja, për të përmirësuar lidhjen dhe përvojën e klientit. Në përgjithësi, vlerësohet se AI mund të kontribuojë me 15.7 trilion dollarë në ekonominë globale deri në vitin 2030, “tha Alex Sinclair, shefi i teknologjisë në GSMA, në një njoftim për shtyp.
Deutsche Telekom ka informuar se do të zbulojë një telefon konceptual me AI të krijuar për të thjeshtuar detyrat e smartphone-ve përmes një asistenti të AI, duke eliminuar varësinë nga aplikacionet individuale. Telefoni përmban një ndërfaqe gjeneruese të AI nga Brain.ai dhe është në gjendje të marrë rolet e aplikacioneve të shumta duke parashikuar dhe ekzekutuar veprime.
Së fundmi, Google dhe Samsung zbuluan telefonat e tyre të rinj inteligjentë të pajisur me veçori të reja të inteligjencës artificiale, duke përfshirë modifikimin e përmirësuar të fotografive dhe kërkimet e thjeshtuara në internet, që priten të jenë atraksionet kryesore.
Kompanitë më të vogla të smartphone-ve, si Honor nga Kina, do të prezantojnë gjithashtu ofertat e tyre më të fundit në MWC. Telefoni inteligjent më i ri i nivelit të lartë nga Honor vjen me një kamerë të fuqizuar me AI që ka teknologjinë e motion-sensing, duke i mundësuar asaj të zbulojë lëvizjet dhe të shkrep automatikisht foto në kohën ideale. Lenovo planifikon të shfaqë koleksionin e shërbimeve të inteligjencës artificiale dhe mjeteve të infrastrukturës në stendën e saj, duke përfshirë një sërë kompjuterësh të rinj me AI.
