Një numër i vogël i pronarëve të Apple Vision Pro kanë pohuar se headset-i i tyre ka krijuar një krisje në mes të xhamit të përparmë, pavarësisht se kurrë nuk e kanë rrëzuar apo keqpërdorur pajisjen.
Raporti i parë u postua në subreddit /r/VisionPro rreth 18 ditë më parë, dhe disa të tjerë shtuan komentet e tyre gjatë javës së fundit. Të gjitha imazhet tregojnë një çarje të ngjashme vertikale mbi urën mbështetëse të hundës, duke nënkuptuar se dëmtimi ndodh në një pikë të caktuar tensioni, ku lakimi i xhamit është më i theksuar.
Ne nuk ishim në gjendje të gjenim raporte shtesë të ngjashme në mediat sociale, apo në Onlin Support Community të Apple, duke sugjeruar se ky është me shumë mundësi një defekt prodhimi i kufizuar në një grup të vogël njësish, dhe jo një problem i përhapur. Të gjitha raportet përmendin se çarja u bë e dukshme papritmas dhe pa ndonjë arsye të dukshme, pasi kufjet ishin lidhur me paketën e jashtme të baterisë gjatë natës e ruajtur në kasën e ofruar nga Apple.
Një teori është se çarja është për shkak të presionit të ushtruar në xhami gjatë shtrëngimit të rripave, gjë që po shkakton “përkulje” të kornizës përreth. Të tjerë spekulojnë se problemi mund të jetë për shkak të një problemi të mbinxehjes që po zgjeron xhamin dhe po e çon atë në plasaritje në pikën e tij më të dobët. Duke pasur parasysh që bateria është e jashtme, çdo nxehtësi e gjeneruar duhet të shkaktohet nga një proces softuerësh në sfond.
Dokumentacioni i Apple thotë se Apple Vision Pro vazhdon të marrë energji nga paketa e baterisë kur ajo nuk është në përdorim. Nëse headset-i nuk është përdorur për 24 orë, Vision Pro fiket automatikisht. Me AppleCare, tarifa për riparimin e xhamit kushton 300 dollarë. Pa mbulimin AppleCare, i njëjti riparim kushton 800 dollarë.
