Gjashtë paditës nga katër shtete pretendojnë se janë lënduar personalisht nga shërbimet që krijojnë varësi të oftuara nga platformat e Match Group, duke paraqitur një padi në gjykatën federale të Qarkut Verior të Kalifornisë në ditën e Shën Valentinit.
Match Group zotëron dhe operon Tinder, Hinge dhe 10 sajte dhe aplikacione të tjera takimesh online. Katër nga tetë aplikacionet më të njohura të takimeve në SHBA në vitin 2023 drejtohen dhe zotërohen nga Match Group, raportoi Statista.
Padia pretendon se aplikacionet e takimeve të Match Group kanë ndryshuar “realitetin social” në 10 vitet e fundit. Ata pretendojnë se aplikacionet e Match Group janë dizenjuar me “karakteristika për të krijuar varësi, të ngjashme me lojrat, të cilat i nxisin përdoruesit të përfshihen në një cikël vicioz pay-to-play duke i dhënë prioritet fitimeve të kompanisë dhe duke lënë mënjanë premtimet e saj për të ndihmuar klientët të njohin njerëz të rinj“.
Një sondazh eHarmony nga shkurti 2023 raportoi se 90% e përdoruesve të aplikacioneve për takime besojnë se janë të varur nga shërbimi dhe 70% e tjerë thonë se aplikacionet kanë një ndikim negativ në shëndetin e tyre mendor. Gati gjysma e përdoruesve (48%) kontrollojnë aplikacionin e tyre të takimeve si gjënë e fundit që bëjnë para se të flenë, dhe 39% thonë se e kontrollojnë direkt pasi zgjohen.
Sipas padisë, Tinder dhe Hinge janë përkatësisht “aplikacionet e 6-të dhe të 18-ta me fitimet më të larta në Apple App Store“. Padia pretendon se Match Group përdor qëllimisht “karakteristika të produktit manipulues psikologjikisht për të nxitur varësinë e përdoruesve“, duke shtuar se modeli i biznesit i kompanisë është ndërtuar rreth idesë se “varësia nxit abonimet dhe përdorimin e përhershëm“.
