Sipas një raportimi të ri të publikuar nga The Information, Samsung dhe OpenAI janë në bisedime për të krijuar një partneritet dhe për të integruar potencialisht ChatGPT në shërbimet Galaxy AI të Samsung.
Deri tani, Samsung përdor LLM-në e vet dhe Gemini AI të Google për të fuqizuar veçoritë e tij Galaxy AI. Do të jetë interesante të shihet se si ChatGPT përshtatet në të gjithë këtë sistem të kompanisë. Për shembull, Apple përdor ChatGPT të OpenAI-t për Apple Intelligence, por vetëm kur modelet në pajisje nuk janë të mjaftueshme për të kryer detyrën e kërkuar. Pikërisht atëherë sistemi kërkon ndihmë nga ChatGPT.
Ne mund të shohim një zbatim të ngjashëm në Galaxy AI ose të përdorin plotësisht shërbimin e ChatGPT. Raporti thotë se të dy kompanitë janë në fazat e hershme të negociatave, kështu që është herët për të spekuluar. OpenAI bëhet gjithnjë e më konkurrues ndaj Google me shpalljen e shërbimit të tij Search dhe tani po përpiqet të rrëmbejë partnerët afatgjatë të Google si Samsung.
I njëjti raportim pretendon se OpenAI madje po punon për të prezantuar një browser të fuqizuar nga ChatGPT. Kompania tashmë ka punësuar zhvillues që kanë punuar në Chrome.
