HONOR ka njoftuar lançimin e ardhshëm të dy pajisjeve të tjera të rëndësishme gjatë IFA 2024 në Berlin më 5 shtator, ku Geek Room do të jetë i pranishëm për të informuar ndjekësit me të rejat më të fundit nga bota e teknologjisë. Krahas telefonit inteligjent të palosshëm Magic V3 të prezantuar më parë, prodhuesi kinez i smartfonëve do të zbulojë gjithashtu tabletin MagicPad2 dhe laptopin MagicBook Art 14.
Tableti HONOR MagicPad2 do të vijë me një trup të hollë 5.8 mm dhe dizajn të lehtë, me peshë 555 g, si dhe me korniza shumë të ngushta deri në vetëm 4.9 mm të gjera, për ta bërë përvojën e shikimit sa më gjithëpërfshirëse.
Nga ana tjetër, HONOR MagicBook Art 14 do të jetë laptopi më i hollë dhe më i lehtë i kompanisë, duke ulur trashësinë në vetëm 10 mm, ndërkohë që peshon vetëm 1kg.
E veçanta e këtij laptopi është se vjen me një kamera të heqshme, e cila më pas ruhet në pjesën e poshtme të laptopit. Kjo lëvizje mund të reklamohet mjaft mirë si një masë shtesë e marrë për të rritur privatësinë e përdoruesve.
Më shumë detaje priten në IFA 2024, ku produkti kryesor i kompanisë do të jetë Magic V3 i palosshëm, me pikën më të fortë reklamuese trupin më të hollë dhe më të lehtë, madje duke krijuar një rekord të ri botëror.
HONOR do të lançojë zyrtarisht Magic V3, MagicPad 2 dhe MagicBook Art 14 në IFA 2024, me një transmetim të drejtpërdrejtë të eventit në dispozicion në faqen zyrtare të kompanisë në Facebook më 5 shtator 2024.
