Samsung ka lançuar një platformë falas gaming në pajisjet e saj Galaxy në Amerikën e Veriut. Prodhuesi celular ka testuar shërbimin e transmetimit në një beta që nga viti i kaluar duke përdorur një aplikacion Game Launcher, tani i riemërtuar Samsung Gaming Hub.
Do të ketë 23 lojëra të disponueshme në fillim, duke përfshirë hitet pa pagesë si Monopoly Go, Candy Crush Saga, Homescapes dhe Honor of Kings. Të gjitha lojërat do të jenë të disponueshme falas, me nënpresidentin dhe shefin e shërbimeve të lojërave të Samsung, Jong Woo, që tregoi për GamesIndustry.biz: “Ndryshe nga shërbimet e tjera cloud, nuk ka përmbajtje të kyçur pas një muri pagese dhe nuk ka abonime mujore që përdoruesit të kenë akses në këto lojëra përmes teknologjisë sonë cloud.”
Dyqani Galaxy, i cili vjen i para-instaluar në të gjithë telefonat dhe tabletët Samsung, do të shërbejë dhe për aksesimin e këtyre lojrave. Samsung pretendon se 50% e lojtarëve që klikuan në një reklamë të lojës cloud për celular ose një listë gjatë beta vazhduan të luanin lojën e reklamuar.
Woo shtoi se ai beson se thjeshtësia e aksesimit të lojërave në cloud, pa pasur nevojë për shkarkime, do të ndihmojë Samsung “të ndryshojë ndjeshëm mënyrën se si prodhuesit e lojërave i publikojnë lojërat e tyre për smartphone“.
Firma elektronike tashmë ka hyrë në hapësirën e lojërave cloud përmes televizorëve të saj inteligjentë përmes një partneriteti kyç me Xbox, si dhe shërbime të tjera si Boosteroid. Më parë ka eksperimentuar me një shërbim të transmetimit të lojërave për PC dhe pajisje të zgjedhur Galaxy të quajtur PlayGalaxy Link, por ky u mbyll para se të lançohej.
