Raportimet e fundit tregojnë se në GTA 6 do të përfshihet për herë të parë një personazh femër. Rockstar me sa duket planifikon të lançojë këtë lojë me një qytet të vetëm, dhe me kalimin e kohës do të publikohen dhe qytete të tjera.
Bloomberg me disa burime pranë Rockstar ka kuptuar se personazhi i ri femër mund të jetë latine. Ajo do të jetë pjesë e një çifti që vjedhin banka në një histori të bazuar në Bonnie & Clyde.
Personazhet femra më parë kanë qenë të pranishme vetëm në GTA Online, asnjëherë në lojën kryesore. Bashkë-themeluesi Dan Houser para se të largohej nga kompania kishte treguar se atop o mendonin të përfshinin një personazh femër në lojë që nga viti 2013.
Qyteti fillestar që do të përfshihet në lançim pritet të jetë Miami dhe disa zona rrethuese, por do të jetë i update-uar me misione të reja dhe qytete që do të vijnë në periudha të caktuara.
Burimet tregojnë se zhvilluesit janë disi skeptik për datën e lançimi – ato mendojnë se parashikimet për datën midis prillit të 2023 dhe marsit të 2024 mund të mos plotësohen për shkak të disa ndryshimeve në ekip dhe problemeve në produksion.
