Më në fund iPhone do t’ju tregojë se sa kohë do të duhet për të përfunduar karikimin. Kodi i vërejtur në versionin e dytë beta të iOS 18.2 nga 9to5Mac tregon një veçori të re “BatteryIntelligence” që do të lejojë shfaqjen e një njoftimi me kohën e parashikuar të karikimit të iPhone.
Disa telefona Android tregojnë prej vitesh tashmë se sa kohë duhet për të karikuar plotësisht smartphone-in tuaj – një veçori që është bërë gjithnjë e më e dobishme duke marrë parasysh llojet e ndryshme të karikuesve, kabllove dhe protokolleve të karikimit që janë në dispozicion.
Veçoria “BatteryIntelligence” e iPhone duket se është ende një punë në progres, megjithatë, që do të thotë se mund të duhet të presim edhe pak deri në lëshimin e tij zyrtar.
iPhone-ët e rinj tashmë kanë disa veçori të dobishme për shëndetin e baterisë. Vitin e kaluar, Apple shtoi një cilësim të ri të optimizuar të karikimit për iPhone 15 e lart, i cili ju lejon të karikoni baterinë deri në 80%, 85%, 90% apo 95% për ta ndihmuar atë të jetë sa më e shëndetshme dhe të zgjasë sa më gjatë. Ekziston gjithashtu një mënyrë e re për të parë numrin e cikleve të baterisë së iPhone tuaj.
