Shërbimi i Samsung “Try Galaxy” në iPhone është përditësuar me veçori të reja që synojnë të shfaqin eksperiencën e navigimit në një nga smartphone-t e palosshëm Z Fold 5 dhe Z Flip 5 në pajisjen tuaj Apple. Në një postim në blog, Samsung shfaq se si mund të simuloni veçoritë unike nga dy telefonat e saj të fundit të palosshëm duke përdorur një iPhone.
Pasi të keni vënë në punë “Try Galaxy” në iPhone tuaj, do t’ju shpaloset një ndërfaqe e Samsung Galaxy ku çdo buton shërben për të reklamuar produktet Samsung për ju. Për shembull, hapja e “aplikacionit të kamerës” luan një sërë videosh që ju tregojnë se si funksionon fotografia në pajisjet e palosshme të Samsung, në vend që t’ju lejojë vërtet të provoni diçka. Kjo është mirë, por në të vërtetë nuk është një demo në ndonjë kuptim të plotë.
Ekziston dhe një funksion interesant që ju mund ta provoni nëse keni ndonjë të afërm ose shok që përdor një iPhone. Ju mund të lidhni dy iPhone së bashku për të krijuar një pamje të ngjashme me një Z Fold 5, megjithëse duket sikur gjithçka që mund të bëni është të shikoni demonstrime video se si mund të përdorni një pajisjeje të palosshme.
