Tashmë të gjithë kirurgët që pëlqejnë të kalojnë shumë kohë duke luajtur video-lojra kanë një justifikim të ri: “Unë nuk jam i varur. Unë thjesht po përmirësoj aftësitë e mia kirurgjikale.”
Një studim ka gjetur një lidhje të drejtpërdrejtë midis aftësive në video-lojëra dhe aftësisë në kirurgjinë laparoskopike. Kirurgët e rinj që shpenzonin të paktën tre orë në javë duke luajtur video lojëra në të kaluarën bënë 37% më pak gabime, ishin 27% më të shpejtë dhe shënuan rezultate 42% më të mira në përgjithësi sesa kirurgët që nuk kishin luajtur kurrë një lojë video.
Studimi, i kryer në qendrën mjekësore Beth Israel në Nju Jork, u fokusua në 21 mjekë të rinj me një përvojë mesatare prej tre vjetësh dhe 12 më të vjetër me pothuajse 13 vjet eksperiencë. Secili u pyet në lidhje me zakonet e tyre të videolojërave dhe më pas u vlerësua teksa morën pjesë në një kurs njëditor e gjysmë që vlerëson kirurgët në kohë dhe gabimet gjatë testeve të simuluara të kirurgjisë.
Aftësitë e lojës u analizuan gjithashtu pasi ata luajtën tre videolojëra për 25 minuta. Nga ata që morën pjesë, 42% nuk kishin luajtur kurrë një lojë video, por 30% kishin luajtur pothuajse çdo ditë në të njëjtën kohë. U vu re se kishte një lidhje të drejtpërdrejtë midis luajtjes së videolojërave dhe aftësisë në kirurgjinë laparoskopike, me ata që shënuan rezultatin më të lartë në videolojërat që performuan më mirë në kursin e simuluar kirurgjikal.
“Lojtarët aktualë të lojërave video bënë 31% më pak gabime, ishin 24% më të shpejtë dhe shënuan 26% më mirë në përgjithësi sesa kolegët e tyre jo-gamers.” Kirurgët me aftësitë më të mira në videolojëra bënë 47% më pak gabime, performuan 39% më shpejt dhe shënuan rezultate 41% më të mira në përgjithësi sesa kirurgët që renditeshin nga fundi për sa i përket aftësive në video-lojra.
Kjo ka bërë që autorët të sugjerojnë se videolojërat mund të jenë një mjet praktik mësimor për të ndihmuar në trajnimin e kirurgëve. Por Kolegji Mbretëror i Kirurgëve tha se studimi, i kryer nga profesori Ara Darzi, nuk tregoi asnjë korrelacion midis lojërave video dhe performancës në kirurgji.
