Sony do të rrisë çmimin e abonimit në PlayStation Plus muajin e ardhshëm. Plani vjetor Essential i shërbimit do të shkojë nga $60 në $80, plani Extra nga $100 në $135 dhe plani Premium nga $120 në $160.
Çmimet e reja do të hynë në fuqi duke filluar nga 6 shtatori. Nëse aktualisht jeni abonuar në PlayStation Plus, Sony thotë se rritja e çmimit nuk do të hyjë në fuqi deri në datën e ardhshme të rinovimit ose pas datës 6 nëntor. Megjithatë, nëse bëni ndonjë ndryshim në abonimin tuaj, “të tilla si përmirësimet, uljet ose blerja e kohës shtesë“, do të duhet të paguani tarifën e re.
Sony thotë se rritja e çmimeve do të hyjë në fuqi globalisht dhe do të lejojë kompaninë të “vazhdojë të sjellë lojëra me cilësi të lartë dhe përfitime me vlerë të shtuar” në shërbim. Kompania shton se planet vjetore do të vijnë ende me një çmim më me leverdi në krahasim me abonimet një ose tre mujore që ofron. I lançuar vitin e kaluar, PlayStation Plus është përgjigjja e Sony për Xbox Game Pass, e cila ju lejon të luani një përzgjedhje të rradhës të lojërave çdo muaj. Për muajin shtator, PlayStation Plus do të përfshijë Saints Row, Black Desert: Traveler Edition dhe Generation Zero.
