Një grup shkencëtarësh kanë bërë një zbulim befasues. Shumë prej jush mund të kujtojnë objektin e krijuar nga Dr. Farnsworth në Futurama për të nuhatur aromat nga distanca të largëta, i cili ishte pjesë e një seriali të animuar imagjinar, megjithatë kjo gjë është shndërruar në realitet.
Imagjinoni të shikoni një katalog aromash dhe të jeni në gjendje të nuhatni erën e parfumit më të ri të Tom Ford pa pasur nevojë të shkoni në dyqan. Inteligjenca artificiale me sa duket është përgjegjëse për realizimin “e teleportimit të nuhatjes”, pasi një kompani ka bërë një përparim ‘futuristik’.
Teleportimi i aromës është ideja e Osmo, e cila vetëcilësohet si një ‘olfaksion dixhital’. Osmo përdor AI për të analizuar një aromë diku dhe më pas për ta riprodhuar atë në një vend krejtësisht të ndryshëm pa pasur nevojë për ndihmë nga njerëzit.
Në një postim të titulluar “We Did It!“, Osmo shpjegon se si përdori AI për të ‘dixhitalizuar dhe rimaterializuar’ aromën e një kumbulle. Makina GCMS (Gas Chromatography-Mass Spectrometry) thith aromën nga një shishe dhe e analizon atë për të rikrijuar ato molekula diku tjetër.
Osmo përdor Principle Odor Map si një mjet AI që parashikon se çfarë ere do të ketë një kombinim specifik i molekulave. Më pas i dërgohet një roboti formulues që e trajton atë si një recetë dhe rikrijon mostrën.
Në një Short të ri, CEO i Osmo, Alex Wiltschko tregon se si funksionon gjithçka dhe është qartësisht i kënaqur me rezultatet. Duke postuar në X pas kësaj, Wiltschko tha: “Nuk e di nëse kjo duket e çuditshme, por unë e mbaj me vete aromën e kumbullës në shumë vende dhe e nuhas vazhdimisht. Më bën të buzëqesh“.
Osmo thotë se ka “bankën më të madhe të të dhënave të aromave” të përputhshme me AI në botë dhe me të, ajo shpreson të vazhdojë të trajnojë AI për të kuptuar aromat specifike. Nëse kjo nuk do të mjaftonte, Osmo po përdor gjithashtu AI për të krijuar aroma krejt të reja dhe për t’i ofruar ato industrisë së parfumeve.
