Pavarësisht nëse është një emër tradicional apo një opsion më i çuditshëm, shumë prindër kalojnë muaj të tërë duke vendosur për emrin e fëmijës së tyre. Tani, një studim i ri e ka bërë atë vendim edhe më të vështirë.
Studiuesit nga Universiteti Reichman pohojnë se fytyra e fëmijës suaj do të evoluojë në përputhje me emrin e tyre. “Strukturimi social është aq i fortë sa mund të ndikojë në pamjen e një personi”, tha Dr Yonat Zwebner, i cili drejtoi studimin. “Këto gjetje mund të nënkuptojnë shkallën në të cilën faktorë të tjerë personalë që janë edhe më të rëndësishëm se emrat, si gjinia ose përkatësia etnike, mund të formojnë pamjen e njerëzve.”
Studimet e mëparshme kanë zbuluar se shumica prej nesh mund të hamendësojnë emrin e një të huaji me saktësi deri në 40%. Mirëpo, deri më tani ka qenë e paqartë pse ndodh kjo gjë. Disa ekspertë sugjerojnë që prindërit të zgjedhin emrin e foshnjës bazuar në atë që duket e përshtatshme për pamjen e foshnjës. Të tjerë besojnë se procesi është i anasjelltë dhe se fytyra e një personi ndryshon për t’iu përshtatur emrit.
Në studimin e tyre të ri, studiuesit vendosën të përcaktojnë se cili proces është në të vërtetë. “Emri ynë është një etiketë sociale që lidhet me ne në fillim të jetës”, shkruan ata në studimin e tyre, të botuar në Psychological and Cognitive Sciences.
Ekipi mori në studim fëmijë 9 deri në 10 vjeç dhe adultë, të cilëve iu kërkua të përputhnin fytyrat me emrat. Gjetjet zbuluan se pjesëmarrësit – si fëmijët ashtu edhe të rriturit – përputhën saktë fytyrat e të rriturve me emrat e tyre. Megjithatë, ata nuk ishin aq të suksesshëm kur ishte fjala për përputhjen e fytyrave të fëmijëve me emrat e tyre.
Në fund të studimit, studiuesit thonë se gjetjet sugjerojnë që fytyrat e njerëzve evoluojnë për t’u përshtatur me emrat e tyre.
