Bill Gates tregoi se nuk arriti dot të kuptonte deri sa arriti në një moshë të madhe se ka shumë gjëra për t’u bërë në jetë përveç punës.
“Kur unë isha në moshën tuaj, nuk besoja tek pushimet,” tha Gates para të diplomuarve në Northern Arizona University. “Unë nuk besoja në fundjava. Shtyja që të gjithë personat pranë meje që të punonin për orë të gjata.”
Miliarderi, i cili la shkollën e Harvardit pas 3 semestrash për të lançuar Microsoft, tregoi se nuk arrinte të kuptonte rëndësinë e balancës punë-jetë dhe se shpesh herë shikonte se cilët punonjës largoheshin herët nga puna dhe cilët largoheshin pas shumë orësh nga dritarja e zyrës së tij.
“Mos prisni një kohë kaq të gjatë sa unë për të mësuar këtë mësim. Merrni kohën e duhur për të pasuruar marrëdhëniet tuaja, për të festuar sukseset tuaja si dhe për të rekuperuar humbjet. Merrni pushime kur janë të nevojshme. Tregohuni të kujdesshëm me njerëzit që janë pranë jush kur është e nevojshme.” shtoi Gates.
Nëpërmjet një postimi në blog në vitin 2019 Gates shkruajti: “Kur unë isha tek Microsoft, shpesh herë isha i ashpër me punonjësit. Kjo gjë ndihmoi disa persona të ishin të suksesshëm, mirëpo e di që ishte më tepër seç duhej.”
Nëse jeni të interesuar ju mund të lexoni deklaratën e plotë të Gates duke klikuar këtu.
