CIA ka publikuar një video të re në rrjetet sociale zyrtare ku i bën thirrje rusëve të raportojnë sekretet në lidhje me luftën në Ukrainë përmes aplikacionit Telegram, dhe premtojnë se do të mbrojnë identitetin e tyre.
“Ne dëshirojmë t’I themi të gjithë rusëve trima të cilët e shikojnë luftën e padrejtë të qeverisë ruse që të komunikojnë me CIA dhe ne do të sigurohemi që bisedat të jenë sa më të sigurta.” tha një zyrtar i CIA. Fillimisht ky reklamim u shfaq në rrjetin social Telegram dhe më pas në YouTube, Twitter dhe Facebook.
“Njerëzit përreth jush mund të mos duan të dëgjojnë të vërtetën. Mirëpo ne dëshirojmë ta dëgjojmë. Ju nuk jeni të pafuqishëm. Lidhuni me ne në një rrugë të sigurtë.”
Dmitry Peskov, një zëdhënës i presidentit rus Vladimir Putin tha: “Unë jamë i bindur se shërbimet tona speciale po e monitorojnë këtë hapësirë.”
Kjo video dy minutëshe me muzikë dramatike tregon se si rusët po shikojnë nga dritarja e tyre jashtë ndërkohë që mendojnë të marrin një vendim tepër të rëndësishëm. Më pas ky personazh mendon për portretet familjare, njësoj si të mendonte për të ardhmen e fëmijëve të tij. Në fund të videos ai vendos të komunikojë me CIA.
