Të gjithë fansat e futbollit prej shumë vitesh janë mësuar që lojtarët e tyre të preferuar të ndëshkohen për veprimet e tyre të parregullta me kartonin e verdhë ose të kuq, megjithatë një ndryshim i ri mund të vijë me përdorimin e kartonit të ri blu.
Futbollistët të cilëve iu tregohet kartoni blu do të largohen për 10 minuta nga fusha e lojës në rastet kur kryejnë faulle cinike, të cilat ndërpresin fillimin e një aksioni të rrezikshëm apo kundërshtojnë vendimin e gjyqtarit dhe kjo gjë është bërë e ditur nga International Football Association Board (IFAB) që vendos rregullat e lojës.
Mirëpo çfarë do të ndodhë nëse lojtari merr një tjetër karton?
Një lojtar i cili merr një karton blu do të largohet fillimisht nga loja për 10 minuta. Megjithatë kartonat mund të mbivendosen mbi njëri-tjetrin, dhe nëse një lojtar do përveç kartonit të parë blu do të marrë dhe një karton tjetër blu, kjo do të jetë e barazvlefshme me një karton të kuq, duke bërë që lojtari të mos jetë më prezent në pjesën e mbetur të ndeshjes.
E njëjta gjë vlen dhe për lojtarët që kanë marrë një karton blu dhe më vonë marrin një karton të verdhë, i cili do të konsiderohet i barabartë me atë të kuq.
Kampionatet më të ndjekura të momentit nuk do ta implementojnë ende këtë metodë të re penalizimi, pasi ajo do të testohet fillimisht në organizime më të vogla si përshembull FA Cup për meshkuj dhe femra.
Aleksander Ceferin, president i UEFA, ka shprehur hapur mendimin e tij gjatë muajit të kaluar duke thënë: ”Kjo nuk është më pjesë e futbollit.” Ai shtoi gjithashtu se rregulli nuk do të implementohej në UEFA Champions League apo Europa League.
Kuriozitet: Kartonat e verdhë dhe të kuq u përdorën për herë të parë në Kupën e Botës të vitit 1970.
