Apple WorldWide Developer’s Conference është një event që organizohet kryesisht për zhvilluesit e aplikacioneve, megjithatë shpesh herë shfrytëzohet për të prezantuar dhe versionet e reja të sistemit operativ për iPhone, iPad dhe Mac.
Këtë vit do të jetë i pranishëm dhe një event që mban emrin misterioz “Special Event at Apple Park”, që do të zhvillohet gjatë datës 5 qershor. Apple nuk ka konfirmuar asgjë deri më tani, por mendohet se në këtë datë do të prezantohet xrOS, platforma e software-it që do të fuqizojë AR/VR Headset të Apple. Raportimet më të reja tregojnë se produkti do të jetë gati për t’u prezantuar në qershor dhe analistët besojnë se ky produkt do të nxisë zhvillimin e të gjithë industrisë AR/VR.
Apple Reality Pro pritet të jetë headset-i më i fuqishëm XR, prandaj nuk duhet të mbetemi të shokuar nga çmimi me të cilin do të dalë në treg ky produkt. Raportohet se në të gjendet një ekran microLED nga Sony, 2 proçesorë të prodhuar nga TSMC dhe 12 kamera, prandaj pritet që pajisja të kushtojë rreth $3,000.
